Nasal vaccine | भारत बायोटेकच्या अनुनासिक लसीला दुसऱ्या आणि तिसऱ्या टप्प्यातील क्लिनिकल ट्रायलसाठी मंजुरी

भारत बायोटेकची अनुनासिक लस (Nasal vaccine) दुसऱ्या आणि तिसऱ्या क्लिनिकल चाचण्यांसाठी मंजूर झाली आहे.

संग्रहित छायाचित्र

Nasal Vaccine: कोविड -19 विरुद्ध भारत बायोटेकने विकसित केलेली पहिली अनुनासिक (अनुनासिक स्प्रे) लस दुसऱ्या आणि तिसऱ्या पायलट ट्रायलसाठी मंजूर करण्यात आली आहे. जैवतंत्रज्ञान विभागाने ही माहिती दिली आहे. निवेदनात म्हटले आहे की चाचणीचा पहिला टप्पा 18 ते 60 वयोगटातील लोकांवर करण्यात आला आहे.

इंट्रानासल लस बीबीव्ही 154 आहे, ज्याचे तंत्रज्ञान सेंट लुईसमधील वॉशिंग्टन विद्यापीठातून भारत बायोटेकने विकत घेतले आहे. ही पहिलीच अशी कोविड - 19 लस आहे जी भारतात मानवांवर क्लिनिकल चाचण्या करेल.

First Nasal Vaccine developed by Bharat Biotech supported by Department of Biotechnology (DBT) and its PSU, Biotechnology Industry Research Assistance Council (BIRAC) gets a nod of regulator for Phase 2/3 Trial: Ministry of Science & Technology

— ANI (@ANI) August 13, 2021

डीबीटी म्हणाले, "कंपनीने माहिती दिली आहे की पहिल्या टप्प्यातील क्लिनिकल चाचण्यांमध्ये निरोगी स्वयंसेवकांना दिलेला लसीचा डोस शरीराने चांगल्या प्रकारे स्वीकारला आहे. लसीचे कोणतेही गंभीर दुष्परिणाम आढळले नाहीत.” यापूर्वीच्या क्लिनिकल अभ्यासातही ही लस सुरक्षित असल्याचे दिसून आले. प्राण्यांच्या अभ्यासातही लस उच्च पातळीवरील अँटीबॉडी तयार करण्यात यशस्वी झालीय.

सध्या देशात तीन लस उपलब्ध आहेत, भारत बायोटेकची कोवॅक्सीन, सीरम इन्स्टिट्यूटची कोविशील्ड आणि रशियाची स्पुटनिक व्ही. सरकारने मॉडर्नाची एमआरएनए लस आणि जॉन्सन अँड जॉन्सनची एकल डोस लस वापरासाठी मंजूर केली आहे.

देशात आतापर्यंत कोरोनाविरोधी लसीचे 52.95 कोटी डोस देण्यात आले आहेत. आरोग्य मंत्रालयाच्या मते, गुरुवारी, 18 ते 44 वयोगटातील 27,83,649 लोकांना पहिला डोस आणि 4,85,193 लोकांना दुसरा डोस देण्यात आला.

देशात गेल्या 24 तासांत 40 हजार कोरोनाबाधितांची नोंद
भारतात कोरोनाच्या प्रादुर्भावात घट होताना दिसत आहे. देशात सध्या दररोज 40 हजारांच्या आसपास कोरोनाबाधितांची नोंद केली जात आहे. शुक्रवारी आरोग्य मंत्रालयानं जारी केलेल्या आकडेवारीनुसार, गेल्या 24 तासांत 40 हजार 120 नव्या कोरोनाबाधितांची नोंद करण्यात आली आहे. तर 585 कोरोना रुग्णांचा मृत्यू झाला आहे. एका दिवसाआधी 41 हजार 195 रुग्णांची नोंद करण्यात आली होती. तसेच काल दिवसभरात देशात 42 हजार 295 रुग्ण कोरोनामुक्त झाले आहेत.