Mulayam Singh Yadav funeral : मुलायम सिंग यादव यांच्यावर आज अंत्यसंस्कार होणार, पंतप्रधान उपस्थित राहण्यावर चर्चा
Mulayam Singh Yadav funeral :मुलायम सिंह यादव बऱ्याच दिवसांपासून आजारी होते. यूपीमध्ये तीन दिवसांचा राजकीय दुखवटा जाहीर करण्यात आला आहे.
Mulayam Singh Yadav funeral : समाजवादी पार्टीचे मुलायम सिंह यादव ( Mulayam Singh Yadav Passed Away) यांच्या पार्थिवावर आज त्यांच्या मूळ गावी सैफई येथे अंत्यसंस्कार करण्यात येणार आहेत. गुरुग्राममधील मेदांता रुग्णालयात सोमवारी सकाळी त्यांचे निधन झाले. ते बऱ्याच दिवसांपासून आजारी होते. यूपीमध्ये तीन दिवसांचा राजकीय दुखवटा जाहीर करण्यात आला आहे.
मोठे नेते अंत्यदर्शनासाठी पोहोचणार
आज सकाळी 10 वाजता त्यांचे पार्थिव अंत्यदर्शनासाठी ठेवण्यात येणार आहे. दुपारी 3 वाजता अखिलेश यादव यांच्या चितेला अग्नि देणार आहे. मुलायम यांच्या अंतिम दर्शनासाठी पंतप्रधान नरेंद्र मोदी, मुख्यमंत्री योगी आदित्यनाथ, लोकसभा अध्यक्ष ओम बिर्ला यांच्यासह अनेक मोठे नेते सैफईला पोहोचणार आहेत. मुलायम सिंह यादव यांच्या पार्थिवावर त्यांच्या जन्मभूमीवर शासकीय इतमामात अंत्यसंस्कार करण्यात येणार आहेत.
राहुल आणि प्रियंका गांधी 'भारत जोडो यात्रा' थांबवणार?
सूत्रांच्या माहितीनुसार, काँग्रेस नेते राहुल गांधी आणि प्रियंका गांधी त्यांची 'भारत जोडो यात्रा' एक दिवस थांबवून आज सैफई गावात पोहोचू शकतात. सैफईला पोहोचल्यानंतर ते मुलायमसिंह यादव यांच्या पार्थिवाचे अंतिम दर्शन घेतील आणि नंतर अंत्यसंस्कारांना उपस्थित राहतील. राजस्थानचे मुख्यमंत्री अशोक गेहलोत, छत्तीसगडचे मुख्यमंत्री भूपेश बघेल आणि काँग्रेसचे मीडिया प्रभारी जयराम रमेश आज सैफईला पोहोचू शकतात.
'हे' नेते उपस्थित राहण्याची शक्यता
संरक्षण मंत्री राजनाथ सिंह आणि उत्तर प्रदेशचे मुख्यमंत्री योगी आदित्यनाथ देखील आज सैफई गावाला भेट देऊन मुलायम सिंह यांना श्रद्धांजली वाहणार आहेत. जनता दल युनायटेडचे राष्ट्रीय सरचिटणीस केसी त्यागी, केंद्रीय मंत्री एसपी बघेल, रामशंकर कथेरिया, बिहारचे उपमुख्यमंत्री तेजस्वी यादव, लोकसभा अध्यक्ष ओम बिर्ला आणि काँग्रेस नेते राजीव शुक्ला आज सैफई गावात पोहोचू शकतात. आज मुलायम सिंह यांच्या श्रद्धांजली समारंभाला त्यांच्याशिवाय देशातील इतर नेते उपस्थित राहण्याची शक्यता आहे.
तीन दिवसांचा राजकीय दुखवटा जाहीर
आपल्या दिवंगत नेत्याला अखेरचा निरोप देण्यासाठी सपाचे हजारो कार्यकर्ते सैफई गावात जमले आहेत. त्यामुळे आजूबाजूच्या जिल्ह्यातील शेकडो पोलीस कर्मचाऱ्यांना सैफई गावात पाचारण करण्यात आले आहे. मुलायमसिंह यादव यांच्या चाहत्यांना आज सकाळी 10 वाजल्यानंतर त्यांचे पार्थिव पाहता येणार आहे. मुलायम सिंह यांच्या निधनानंतर योगी सरकारने राज्यात तीन दिवसांचा राजकीय दुखवटा जाहीर केला आहे. त्यामुळे या तीन दिवसांत राज्यात कोणताही राज्य कार्यक्रम होणार नाही.
महत्त्वाच्या बातम्या
