Galwan Clash: गलवानचा बलवान...कॅप्टन सोयबा मनिग्बा पडले चीनी सैनिकांना भारी

गेल्या वर्षी गलवानच्या खोऱ्यात (Galwan Clash) भारत-चीन (India-China Face Off) या दोन देशांच्या सैन्याची झडप झाली होती, त्याचा एक व्हिडीओ व्हायरल होताना होतोय. त्यामध्ये 6 बिहार रेजिमेन्टमध्ये कॅप्टन सोयबा मनिग्बा (Capt.Soiba Maningba Rangnamei) यांनी चीनी सैनिकांना थोपवून धरल्याचं दिसतंय.

Galwan Clash: भारत आणि चीन या दोन देशांतील सैन्यादरम्यान गेल्या वर्षी 15 जूनच्या रात्री गलवान खोऱ्यात हिंसाचार झाला होता. आता त्याचा एक व्हिडीओ चीनने रीलीज केला आहे. त्यामध्ये कॅप्टन सोयबा मनिग्बा हे चीनी सैनिकांना भारी पडताना दिसताहेत. आता मनिपूरचे मुख्यमंत्री एन. बिरेन सिंह यांनी कॅप्टन सोयबा मनिग्बा यांचा सत्कार केला आहे.

कॅप्टन सोयबा मनिग्बा हे मनिपूरच्या सेनापती जिल्ह्यातील रहिवासी आहेत. त्यांच्या धाडसाचे कौतुक करताना मनिपूरचे मुख्यमंत्री एन. बिरेन सिंह म्हणाले की, "कॅप्टन सोयबा मनिग्बा यांचे कार्य राज्यासाठी आणि देशासाठी प्रेरणादायी आहे. देशाच्या सुरक्षेसाठी आणि संरक्षणासाठी राज्याने आपले अनेक सुपुत्र दिले आहेत."

Felicitate Capt.Soiba Maningba Rangnamei from Senapati Dist, Manipur of 16 Bihar Regiment who led his men during the Galwan confrontation, at my official residence today. The State always encourage our youths to join the armed forces and participate in safeguarding the Nation. pic.twitter.com/tWfrfaIXVE

— N.Biren Singh (@NBirenSingh) February 23, 2021

कॅप्टन सोयबा मनिग्बा हे 16 बिहार रेजिमेन्टमध्ये कॅप्टन या पदावर कार्यरत असून चीनच्या पिपल्स लिबरेशन आर्मीसोबत झालेल्या गलवान खोऱ्यातील हिंसाचारादरम्यान ते भारतीय सैनिकांचे नेतृत्व करताना दिसत आहेत. या व्हिडीओमध्ये कॅप्टन सोयबा मनिग्बा हे चीनच्या सैनिकांना कडाडून विरोध करताना दिसत आहेत.

It's an honour to meet Capt.Soiba Maningba Rangnamei from Senapati, Manipur of 16 Bihar, leading his men in Galwan during the confrontation against the Chinese PLA. We are always indebted to soldiers like him who is leading in the front for the safety and security of the Nation. pic.twitter.com/QsbxI0zo64

— N.Biren Singh (@NBirenSingh) February 23, 2021

कॅप्टन सोयबा मनिग्बा यांचा हा व्हिडीओ सोशल मीडियावर प्रचंड व्हायरल होत आहे. गेल्या वर्षी गलवानच्या खोऱ्यात भारत-चीन या दोन देशांच्या सैन्याची झडप झाली होती. त्यामध्ये भारताचे 20 जवान शहीद झाले होते.