LPG : अब की बार गॅस 1100 पार? 1 जून रोजी गॅसची किंमत वाढण्याचा अंदाज
सध्या दिल्लीत घरगुती एलपीजी सिलेंडरची किंमत 1003 रुपये, मुंबईत 1002.5 रुपये, कोलकात्यात 1029 रुपये आणि चेन्नईमध्ये 1058 रुपये आहे.
नवी दिल्ली: देशभरात पुन्हा एकदा देशात 1 जून रोजी एलपीजीच्या किमती वाढू शकतात. गॅस कंपन्या दर महिन्याच्या पहिल्या तारखेला दर निश्चित करतात. यावेळी घरगुती एलपीजीची किंमत 1100 रुपयांच्या पुढे जाण्याचा अंदाज आहे. अशा परिस्थितीत तुम्ही 1 तारखेपूर्वी गॅस बुक करून काही बचत करू शकता.
सध्या दिल्लीत घरगुती एलपीजी सिलेंडरची किंमत 1003 रुपये, मुंबईत 1002.5 रुपये, कोलकात्यात 1029 रुपये आणि चेन्नईमध्ये 1058 रुपये आहे.
मे महिन्यात दोनदा भाव वाढ
गॅस कंपन्यांनी मे महिन्यात घरगुती एलपीजीच्या दरात दोनदा वाढ केली होती. पहिला दर 7 मे रोजी वाढवण्यात आला होता. या दिवशी 14.2 किलोच्या सिलेंडरच्या किमतीत 50 रुपयांनी वाढ करण्यात आली होती. त्यानंतर 19 मे रोजी पुन्हा साडेतीन रुपयांची वाढ करण्यात आली. म्हणजेच 1 महिन्यात एलपीजीवर एकूण 53.5 रुपयांची वाढ करण्यात आली. जागतिक बाजारपेठेतील गॅसच्या किमती पाहता 1 जून रोजी पुन्हा वाढ होण्याची शक्यता आहे.
व्यावसायिक सिलिंडरच्या दरात वाढ
1 मे रोजी 19 किलोच्या व्यावसायिक सिलिंडरच्या दरात वाढ करण्यात आली होती. दिल्लीत त्याची किंमत 102 रुपयांनी वाढली आहे. यानंतर राजधानीत व्यावसायिक सिलिंडरची किंमत 2355.5 रुपये झाली. त्याच वेळी, 5 किलोच्या लहान एलपीजी सिलेंडरची किंमत 655 रुपये करण्यात आली आहे.
गॅसची किंमत कशी ठरवली जाते?
भारतात एलपीजी गॅसची किंमत आयात समानतेच्या किंमतीद्वारे निर्धारित केली जाते. त्याला आयपीपी असेही म्हणतात. भारतातील बहुतेक गॅस पुरवठा आयातीवर आधारित असल्याने, आंतरराष्ट्रीय बाजारातील किमतींनुसार IPP देखील निर्धारित केला जातो. भारतातील LPG चे बेंचमार्क सौदी Aramoc ची LPG किंमत आहे. जगातील सर्वात मोठी तेल कंपनी एलपीजीची विक्री कोणत्या किमतीला करते, या आधारावर देशांतर्गत बाजारात त्याची किंमत ठरवली जाते. एलपीजीच्या किमतीत केवळ गॅसच्या किमतीचा समावेश नाही. यामध्ये कस्टम ड्युटी, वाहतूक आणि विमा यासारख्या इतर घटकांचा समावेश आहे.
किंमत वाढण्याचे कारण
याचे पहिले कारण म्हणजे आंतरराष्ट्रीय बाजारात गॅसची किंमत. मात्र, डॉलरच्या तुलनेत रुपया कमजोर होणे हे एक कारण आहे. वास्तविक, ही खरेदी आंतरराष्ट्रीय बाजारात डॉलरवर होते आणि रुपया कमकुवत झाल्यामुळे भारताला जास्त किंमत मोजावी लागते. याशिवाय सध्या गॅसचा पुरवठा त्याची मागणी पूर्ण करू शकत नाही. गॅसचे दर वाढण्यामागे हेही एक कारण आहे.
महत्त्वाच्या बातम्या
