Kerala Blast : केरळमध्ये फटाका कारखान्यात भीषण स्फोट; 13 जणांचा मृत्यू, मृतदेहाचे अवयव विखुरले

Kerala Firecracker Factory Blast : केरळच्या त्रिशूर जिल्ह्यात फटाका कारखान्यात झालेल्या भीषण स्फोटात 13 जणांचा मृत्यू, अनेक जखमी; पंतप्रधानांनी मदतीची घोषणा केली.

Kerala Blast

Source : abp majha

Kerala Blast : केरळमधील त्रिशूर (Thrissur) जिल्ह्यात मंगळवारी दुपारी साडेतीनच्या सुमारास फटाका कारखान्यात भीषण स्फोट झाला. या दुर्घटनेत 13 जणांचा मृत्यू झाला असून अनेक कामगार गंभीररीत्या भाजले आहेत. जखमींना जवळच्या रुग्णालयात उपचारासाठी दाखल करण्यात आले आहे. 

राज्य आपत्ती व्यवस्थापन प्राधिकरणाच्या माहितीनुसार, घटनास्थळावरून 10 मृतदेह सापडले, तर 3 जणांचे शरीराचे अवयव विखुरलेल्या अवस्थेत आढळले. 5 जखमींची प्रकृती गंभीर असून 17 जणांना किरकोळ दुखापत झाली आहे.

Kerala Blast : स्फोटावेळी 40 कामगार उपस्थित

हा कारखाना शेतीच्या मधोमध उभारलेल्या शेडमध्ये चालवला जात होता. स्फोटाच्या वेळी सुमारे 40 कामगार काम करत होते. अग्निशमन दल, पोलीस आणि बचाव पथके घटनास्थळी दाखल झाली, मात्र अधूनमधून होणाऱ्या स्फोटांमुळे बचावकार्याला अडथळे निर्माण झाले.

Compensation Announcement : मृतांच्या कुटुंबीयांना मदत जाहीर

पंतप्रधान नरेंद्र मोदी (Narendra Modi) यांनी या दुर्घटनेबद्दल दु:ख व्यक्त करत मृतांच्या कुटुंबीयांना प्रत्येकी 2 लाख रुपये, तर जखमींना 50 हजार रुपयांची मदत जाहीर केली आहे. पंतप्रधानांनी म्हटले की, “ज्यांनी आपल्या प्रियजनांना गमावले आहे, त्यांच्या दु:खात मी सहभागी आहे. जखमींच्या लवकर बरे होण्यासाठी प्रार्थना करतो.”

തൃശൂരിലെ പടക്ക നിർമാണശാലയിലുണ്ടായ അപകടത്തിൽ നിരവധി ജീവനുകൾ പൊലിഞ്ഞ വാർത്തയറിഞ്ഞതിൽ ദുഃഖമുണ്ട്. പ്രിയപ്പെട്ടവരെ നഷ്ടപ്പെട്ടവരുടെ വേദനയിൽ പങ്കുചേരുന്നു. പരിക്കേറ്റവർ എത്രയും വേഗം സുഖം പ്രാപിക്കട്ടെ: പ്രധാനമന്ത്രി @narendramodi.

— PMO India (@PMOIndia) April 21, 2026

Medical Emergency : चार जिल्ह्यांमधून डॉक्टरांची पथके

केरळच्या आरोग्यमंत्री वीना जॉर्ज (Veena George) यांनी सांगितले की, जखमींच्या उपचारासाठी त्रिशूर मेडिकल कॉलेजसह विविध रुग्णालयांमध्ये विशेष व्यवस्था करण्यात आली आहे. मेडिकल कॉलेजमध्ये ‘मास कॅज्युअल्टी प्रोटोकॉल’ लागू करण्यात आला असून बर्न युनिट सज्ज ठेवण्यात आले आहे. तसेच तिरुअनंतरपुरम, एर्नाकुलम, कोट्ययाम आणि कोझिकोड येथून डॉक्टरांची पथके मदतीसाठी पाठवण्यात आली आहेत.

Tamil Nadu Incident : दोन दिवसांत दुसरी मोठी दुर्घटना

दरम्यान, दोन दिवसांपूर्वी तामिळनाडूतील विरुधूनगर जिल्ह्यातील फटाका कारखान्यात रविवारी झालेल्या स्फोटात 25 जणांचा मृत्यू झाला होता. त्या वेळी कारखान्यात सुमारे 30 कामगार काम करत होते.

#WATCH | Thrissur, Keralam | Former President of the Thiruvambady Devaswom Board, Sundar C Menon, says, "This is quite an unfortunate incident. We never expected this. We have always taken utmost care... I remember that a similar incident happened a few years back in Paramekkavu… https://t.co/FFYti5MwV9 pic.twitter.com/XNyjO3pj1N

— ANI (@ANI) April 21, 2026

ही बातमी वाचा: