ऑडी कार विजेच्या खांबाला धडकली, भीषण अपघातात आमदारपुत्रासह सात जणांचा मृत्यू 

बंगळुरुच्या  कोरमंगलामध्ये मध्यरात्री एक ऑडी कारचा भीषण अपघात झाला. या अपघातात  होसुरचे डीएमकेचे आमदार वाय प्रकाश यांच्या मुलासह सून आणि अन्य पाच जणांना मृत्यू झाला आहे.  

कार_अपघात

बंगळुरु : बंगळुरुच्या  कोरमंगलामध्ये मध्यरात्री एक ऑडी कारचा भीषण अपघात झाला. या अपघातात सात लोकांचा मृत्यू झाला आहे. वेगात असलेली ही कार विजेच्या खांबाला धडकल्याने हा अपघात झाला. हा अपघात इतका भीषण होता की सहा जणांना जागीच मृत्यू झाला तर एकाचा दवाखान्यात नेत असताना मृत्यू झाला.  

या अपघातात  होसुरचे डीएमकेचे आमदार वाय प्रकाश यांच्या मुलासह सून आणि अन्य पाच जणांना मृत्यू झाला आहे.  

हा अपघात इतका भीषण होता की कारचे अक्षरशा तुकडे झाले. या कारमध्ये सात जण होते. हे सर्व 20 ते 30 वयोगटातील असल्याची माहिती आहे. सर्व मृतदेहांचे पोस्टमार्टम करण्यात आलं आहे. या प्रकरणी आडुरुडी पोलिस स्टेशनमध्ये गुन्हा दाखल करण्यात आला आहे. 

माहितीनुसार या गाडीचा चालक वेगाने गाडी चालवत होता. हा रस्ता पूर्णपणे रिकामा होता. गाडी वेगात असल्यानं चालकाचं संतुलन बिघडल्याने गाडी विजेच्या खांबाला जोरात धडकली.  

7 people died in car accident in Koramangala, Bengaluru. Audi Q3 car was apparently of Hosur DMK MLA Y Prakash, that rammed an electric pole resulting in spot death of six persons. And 7th person died on the way to hospital. MLA's son & Daughter in law died in the accident. pic.twitter.com/QdYBL1ciaU

— Pinky Rajpurohit (ABP News) 🇮🇳 (@Madrassan_Pinky) August 31, 2021