ICMR ने मंकीपॉक्स विषाणूला नमुन्यातून केलं वेगळं, लस तयार करण्यात होणार मदत; टेस्टिंग किट आणि लसीसाठी काढल्या निविदा
Monkeypox Vaccine : भारतात प्रथमच राष्ट्रीय विषाणूविज्ञान संस्थेने (NIV) मंकीपॉक्स विषाणूला नमुन्यांमधून वेगळे केलं आहे. ICMR ने लस आणि चाचणी किट बनवण्यासाठी टेंडर काढले आहेत.
Monkeypox Vaccine in India : आयसीएमआर (ICMR) म्हणजेच इंडियन काउंसिल फॉर मेडिकल रिसर्चच्या (Indian Council for Medical Research) पुणे (Pune) येथील राष्ट्रीय विषाणूविज्ञान संस्थेने (NIV-National Institute of Virology Lab) एका रुग्णाच्या नमुन्यांमधून मंकीपॉक्स विषाणूला (Monkeypox Virus) वेगळं केलं आहे. यामुळे मंकीपॉक्स विषाणूबाबत अधिक संशोधन करण्यात त्याचे टेस्टिंग किट (Testing Kit) आणि लस (Vaccine) बनवण्यात मदत होणार आहे.
टेस्टिंग किट आणि लसीसाठी काढल्या निविदा
आयसीएमआरने (ICMR) अनुभवी लस उत्पादक, फार्मा कंपन्या, संशोधन आणि विकास संस्था आणि इन-व्हिट्रो डायग्नोस्टिक (IVD) किट उत्पादकांसोबत मंकीपॉक्सवर लस बनवण्यासाठी आणि चाचणी किट तयार करण्यासाठीचं आवाहन केलं आहे. केंद्र सरकारने मंकीपॉक्सवरील टेस्टिंग किट आणि लस तयार करण्यासाठी निविदा काढल्या आहेत.
मंकीपॉक्स विषाणू नमुन्यांमधून वेगळं केलं
आयसीएमआरने (ICMR) स्वतः ट्विट करून माहिती दिली आहे की, 'भारतात प्रथमच राष्ट्रीय विषाणूविज्ञान संस्थेने (NIV) मंकीपॉक्स विषाणूला नमुन्यांमधून वेगळं केलं आहे. आयसीएमआरने मंकीपॉक्स विषाणूवरसाठी स्वदेशी लस आणि डायग्नोस्टिक किट विकसित करण्यासाठी इच्छुक भारतीय लस आणि IVD उद्योजकांवर ताण सोपवण्याचा निर्णय घेतला आहे.'
राष्ट्रीय विषाणूविज्ञान संस्थेने कोरोनालाही वेगळं केलं होतं
कोरोना विषाणू आढळल्यानंतरही आयसीएमआरच्या (ICMR) राष्ट्रीय विषाणूविज्ञान संस्थेच्या पुणे येथीस लॅबमध्ये कोरोनाचा विषाणू नमुन्यांमधून वेगळा करण्यात आला होता. त्यानंतर आयसीएमआरने भारत बायोटेक कंपनीसोबत मिळून कोवॅक्सिन (Covaxin) ही कोरोना लस तयार केली. भारताची कोरोना विरूद्ध स्वदेशी लस बनवण्यात आयसीएमआरचा मोठा वाटा आहे.
महत्त्वाच्या इतर बातम्या
महत्त्वाच्या बातम्या
ट्रेंडिंग न्यूज
