हिंमतीसाठी मला तुमच्या प्रमाणपत्राची गरज नाही, गडकरींचं राहुल गांधींना उत्तर

"नितीन गडकरी एकमेव भाजप नेते आहेत, ज्यांनी खरं बोलण्याची हिंमत दाखवली आहे," असं ट्वीट करत राहुल गांधींनी गडकरींचं अभिनंदन केलं होतं.

नवी दिल्ली : "माझ्या हिंमतीसाठी मला तुमच्या प्रमाणपत्राची गरज नाही," असं म्हणत केंद्रीय मंत्री नितीन गडकरी यांनी काँग्रेस अध्यक्ष राहुल गांधी यांना उत्तर दिलं आहे. "नितीन गडकरी एकमेव भाजप नेते आहेत, ज्यांनी खरं बोलण्याची हिंमत दाखवली आहे," असं ट्वीट करत राहुल गांधींनी गडकरींचं अभिनंदन केलं होतं. तसंच नितीन गडकरी राफेल, शेतकऱ्यांचे प्रश्न अशा इतर मुद्द्यांवरही बोलतील, अशी आशा राहुल गांधी यांनी व्यक्त केली होती. त्यावर नितीन गडकरी यांनीही ट्विटरवरच उत्तर दिलं आहे. गडकरी यांनी चार ट्वीट करत राहुल गांधींच्या विविध मुद्द्यांवर उत्तरं दिली आहेत. ते म्हणाले की, "राहुल गांधीजी, माझ्या हिंमतीसाठी मला तुमच्या प्रमाणपत्राची गरज नाही. पण एका पक्षाचा अध्यक्ष असूनही आमच्या सरकारवर हल्ला करण्यासाठी तुम्हाला मीडियाने अतिरंजित केलेल्या वृत्तांचा आधार घ्यावा लागतोय, याचं मला आश्चर्य वाटतंय."

@RahulGandhi जी, मेरी हिम्मत के लिए मुझे आप के सर्टिफिकेट की जरूरत नही है लेकिन आश्चर्य इस बात का है की एक राष्ट्रीय पार्टी के अध्यक्ष होने बाद भी हमारी सरकार पर हमला करने के लिए आपको मीडिया द्वारा ट्विस्ट किए गए खबरों का सहारा लेना पड़ रहा है।

— Nitin Gadkari (@nitin_gadkari) February 4, 2019

केवळ नितीन गडकरींनी खरं बोलण्याची हिम्मत केली : राहुल गांधी राफेलवर काय म्हणाले? "तुम्हाला हल्ला करण्यासाठी खांदे शोधावे लागत आहेत, यातच मोदीजी आणि आमच्या सरकारचं यश आहे. राहिला मुद्दा तुम्ही उचललेल्या मुद्द्यांचा, तर मी छातीठोकपणे सांगू शकतो की, राफेलमध्ये आमच्या सरकारने देशाचं हित समोर ठेवून सर्वात पारदर्शक व्यवहार केला आहे,"  असं गडकरी पुढे म्हणाले.

यही मोदी जी और हमारे सरकार की कामयाबी है की आप को हमला करने के लिए कंधे ढूंढने पड़ रहे है।

रही बात आपके उठाए गए मुद्दों की तो मैं डंके की चोट पर कहता हूं की राफेल में हमारी सरकार ने देश हित सामने रख कर सबसे पारदर्शक व्यवहार किया है। — Nitin Gadkari (@nitin_gadkari) February 4, 2019

काँग्रेसच्या धोरणांवर भाष्य शेतकऱ्यांवरील संकटाविषयी नितीन गडकरी म्हणाले की, "तुमच्या धोरणांमुळे शेतकऱ्यांना ज्या परिस्थितीत ढकललं, तिथून त्यांना बाहेर काढण्यासाठीचा प्रामाणिक प्रयत्न मोदीजी करत आहेत आणि आम्हाला यात यशही मिळत आहे. तुमच्यासह काही जणांना मोदी पंतप्रधान झालेलं सहन होत नाही. त्यामुळे तुम्हाला असहिष्णुता आणि घटनात्मक संस्थांवर हल्ला करण्याचं स्वप्न पडतं."

आपके नीतियों ने किसानों को जिस बदतर स्थिति में खड़ा किया उससे उनको बाहर निकालने की ईमानदार कोशिश मोदीजी कर रहे हैं और हम इसमें कामयाब भी हो रहे है। आप समेत कुछ लोगों को मोदीजी का प्रधानमंत्री बनना सहन नहीं हो रहा इसलिए आपको असहिष्णुता व संवैधानिक संस्थाओं पर हमले का सपना आता है।

— Nitin Gadkari (@nitin_gadkari) February 4, 2019

जो आपलं घर सांभाळू शकत नाही तो देश सांभाळू शकत नाही : नितीन गडकरी संस्थांवर हल्ला संस्थांवरील हल्ल्याबाबतच्या मुद्द्यावर गडकरी म्हणाले की, "आमच्या आणि काँग्रेसच्या डीएनएमध्ये हाच फरक आहे की, आम्ही लोकशाही आणि घटनात्मक संस्थांवर विश्वास ठेवलं. तुमची ही खेळी काम करत नाही. मोदीजी पुन्हा पंतप्रधान बनतील आणि आम्ही मजबुतीने देशाला विकासाच्या शिखरावर पोहोचवू. पण तुम्ही भविष्यात समजूतदारपणे आणि जबाबदारीने वागाल अशी आशा आहे."

हमारे और काँग्रेस के डीएनए में यही अंतर है की हम लोकतंत्र और संवैधानिक सस्थाओं पर विश्वास करते है।आपके ये पैंतरे चल नहीं रहे। मोदीजी फिर प्रधानमंत्री बनेंगे और हम मजबूती के साथ देश को आगे बढ़ाएंगे।लेकिन,आप भविष्य में समझदारी और जिम्मेदारी के साथ बर्ताव करेंगे यह उम्मीद करता हूं

— Nitin Gadkari (@nitin_gadkari) February 4, 2019

राहुल गांधींचं नवं ट्वीट नितीन गडकरी यांच्या या ट्वीटनंतर काँग्रेस अध्यक्षांनी आणखी एक ट्वीट करुन गडकरींना उत्तर देण्याची विनंती केली. राहुल गांधींनी त्यांच्या आधीच्या ट्वीटला कोट करत नवं ट्वीट केलं. उप्स, गडकरीजी, माफ करा, मी सर्वात महत्त्वाचा मुद्दा विसरलोच.... नोकरी! नोकरी! नोकरी! नोकरी!

Oops, Gadkari Ji.

Huge apology. I forgot the most important one.... JOBS! JOBS! JOBS! JOBS! https://t.co/SfOLiCUoyg — Rahul Gandhi (@RahulGandhi) February 4, 2019