Shimla Landslide : हिमाचलमध्ये भूस्खलन! शिमल्यातील शिव मंदिर कोसळून 9 जणांचा मृत्यू; ढिगाऱ्याखाली आणखी काही जण अडकल्याची भीती

Shimla Shiv Temple Landslide : हिमाचल प्रदेशात भूस्खलन झाल्याने शिव मंदिर कोसळून 9 जणांचा मृत्यू झाला आहे.

Shimla Shiv Temple Landslide

शिमला : हिमाचल प्रदेश (Himachal Pradesh) राज्यात मोठी दुर्घटना घडली आहे. शिमल्यामध्ये भूस्खलन झाल्याने शिव मंदिर कोसळून 9 जणांचा मृत्यू झाला आहे. शिमल्याच्या समरहिल येथील बाळूगंजच्या शिव बावडी मंदिराजवळ दरड कोसळल्याची माहिती समोर येत आहे. त्यामुळे शिवमंदिर दरडीखाली गाडलं गेलं. दरडीखाली 20 ते 25 जण अडकल्याची भीती व्यक्त करण्यात येत आहे. या दुर्घटनेत नऊ जणांचा मृत्यू झाल्याची माहिती समोर आली आहे. आज सोमवार असल्याने शिव मंदिरात मोठ्या प्रमाणात शिवभक्तांची गर्दी असते. आज सकाळी साडेसातच्या सुमारास ही दुर्घटना घडली. येथे सध्या बचावकार्य सुरू आहे.

शिमलातील शिव मंदिर कोसळून 9 जणांचा मृत्यू

हिमाचलचे मुख्यमंत्री सुखविंदर सिंग सुखू यांनी ट्विट करून या घटनेवर शोक व्यक्त केला आहे. मुख्यमंत्री सुखविंदर सिंह सुखू यांनी दिलेल्या माहितीनुसार, या दुर्घटनेत आतापर्यंत नऊ जणांचा मृत्यू झाला आहे. ढिगाऱ्याखालून नऊ मृतदेह बाहेर काढण्यात आले आहेत. घटनास्थळी बचावकार्य सुरू आहे. श्रावणी सोमवार असल्याने मोठ्या संख्येने भाविक मंदिरात पोहोचले होते. दुसरीकडे, शिमल्याच्या लाल कोठीमध्ये भूस्खलनामुळे मोठी दुर्घटना घडण्याची शक्यता व्यक्त करण्यात येत आहे. 

WATCH | Shimla's Summer Hill area hit by landslide; few people feared dead, operation underway to rescue stranded persons

CM Sukhvinder Singh Sukhu and state minister Vikramaditya Singh are on present on the spot pic.twitter.com/sjTLSG3qNB

— ANI (@ANI) August 14, 2023

ढिगाऱ्याखाली आणखी काही जण अडकल्याची भीती

शिमलाचे एसपी संजीव कुमार गांधी यांनी सांगितलं की, भूस्खलनात एक शिव मंदिर कोसळलं. त्यामुळे आजूबाजूच्या इमारतींनाही धोका निर्माण झाला आहे. अनेक लोक अडकले आहेत. शिव मंदिराच्या ठिकाणी ढिगाऱ्याखाली अडकले असल्याची भीती व्यक्त करण्यात येत आहेत. परिसरात बचावकार्य सुरू आहे. 

Distressing news has emerged from Shimla, where the “Shiv Mandir” at Summer Hill collapsed as a result of the heavy rainfall.

As of now, nine bodies have been retrieved. The local administration is diligently working to clear the debris in order to rescue individuals who may…

— Sukhvinder Singh Sukhu (@SukhuSukhvinder) August 14, 2023

मुख्यमंत्र्यांकडून घटनास्थळाची पाहणी

हिमाचल प्रदेशचे मुख्यमंत्री सुखविंदर सिंग सुखू यांनी शिमल्याच्या समर हिल भागात भूस्खलनाच्या घटनास्थळी पाहणी केली.

#WATCH | Himachal Pradesh CM Sukhvinder Singh Sukhu inspects the situation on the spot of landslide in Summer Hill area of rain-hit Shimla pic.twitter.com/ZfLlp4FOqm

— ANI (@ANI) August 14, 2023

दरड कोसळणं सुरुच असल्याने बचावकार्यात अडथळे

मिळालेल्या माहितीनुसार, सकाळी सात वाजेच्या सुमारास ही दुर्घटना घडल्याची माहिती समोर येत आहे. मंदिरामध्ये भक्त पूजा करण्यासाठी पोहोचली होते, त्यावेळी ही दुर्घटना घडली. या परिसरात अद्यापही दरडी कोसळत असल्याने बचावकार्यात अडथळे येत आहेत. स्थानिकांच्या मते, अनेक लोक ढिगाऱ्याखाली अडकले असल्याचं बोललं जात आहे.