FRI Pakistan maritime security : पाकिस्तानच्या 10 नौदल कर्मचार्‍यांवर गुजरातमध्ये गुन्हा दाखल, कारण...
Pakistan killed Indian fisherman in firing : शनिवारी सायंकाळी पाकिस्तानी नौसैनिकांनी गुजरातमधील द्वारका येथील सागरी भागात भारतीय मच्छिमारांवर गोळीबार केला होता.
Pakistan killed Indian fisherman in firing : शनिवारी सायंकाळी पाकिस्तानी नौसैनिकांनी गुजरातमधील द्वारका येथील सागरी भागात भारतीय मच्छिमारांवर गोळीबार केला होता. या घटनेत मूळच्या पालघरच्या मच्छिमाराचा मृत्यू झाला होता. यानंतर भारतातून नाराजी आणि टीका करण्यात आली होती. आता गुजरातमधील नवीबंदर पोलिसांनी पाकिस्तानच्या सागरी सुरक्षा एजन्सी (PMSA) विरुद्ध गुन्हा दाखल केला आहे. दोन बोटीत उपस्थित सणाऱ्या 10 लोकांविरोधात नवीबंदर पोलिसांनी गुन्हा दाखल केलाय. पोलिसांनी आरोपीविरुद्ध भादंवि 302, 307, 114, 25 (1)अ, 37 अन्वये गुन्हा दाखल केला आहे. पाकिस्तान सैनिकांच्या हल्ल्यात जखमी झालेल्या दिलीप नातू सोळंकी यांच्या तक्रारीनंतर पोरबंदर पोलिसांनी पाकिस्तान 10 सैनिकांवर गुन्हा दाखल केलाय.
पाकिस्तानी सैनिकांनी केलेल्या गोळीबारात शनिवारी सायंकाळी एका भारतीय मच्छिमाराचा मृत्यू झाला. मृत मच्छिमार हा मूळचा पालघर येथील आहे. गुजरात राज्यातील वनग बारा येथील जयंतीभाई यांच्या जलपरी बोटीत श्रीधर चामरे हा तरुण मागील तीन महिन्यापासून खलाशी कामगार म्हणून कामावर गेला होता. ओखा-पोरबंदर भागातील समुद्रात बोटीवर मासेमारी करीत असताना पाकिस्तान ट्रॉलर्समधून आलेल्या सैनिकांनी गोळीबार केला. या गोळीबारात वडराई येथील मच्छिमार श्रीधर चामरे यांना तीन गोळ्या लागल्याने जागीच मृत्यू झाला.
मच्छिमाराला लागल्या तीन गोळ्या -
ओखा-पोरबंदर भागातील समुद्रात बोटीवर मासेमारी करीत असताना पाकिस्तान ट्रॉलर्समधून आलेल्या सैनिकांनी गोळीबार केला. या गोळीबारात वडराई येथील मच्छिमार श्रीधर चामरे यांना तीन गोळ्या लागल्याने त्यांचा जागीच मृत्यू झाला आहे. श्रीधर यांचा मृतदेह शवविच्छेदनासाठी रुग्णालयात नेण्यात आल्याची माहिती बोट मालक जयंतीभाई यांनी आपणास दिल्याचे वडराई मच्छिमार सहकारी संस्थेचे चेअरमन माणेंद्र आरेकर यांनी सांगितले. त्याचप्रमाणे बोटीचे कॅप्टन तांडेल यांना गोळी लागल्याने जखमी झाले असून त्यांना उपचारासाठी रुग्णालयात दाखल करण्यात आले.
मच्छीमार बांधवांमध्ये तणावाचे वातावरण -
या घटनेमुळे जिल्ह्यातील मच्छीमार बांधवांमध्ये तणावाचे वातावरण निर्माण झाले आहे. पाकिस्तान सैनिकांच्या अमानवी कृत्याचा आंतरराष्ट्रीय स्तरावर चौकशी करण्याची मागणी मच्छिमारांनी केली आहे.पाकिस्तानी सैन्याकडून भारतीय मच्छिमारांना ताब्यात घेण्याच्या, त्यांच्या बोटी जप्त करण्याच्या घटना वारंवार घडतात. अनेक भारतीय मच्छिमार पाकिस्तानच्या तुरुंगात कोणतीही चूक नसताना खितपत पडलेले आहेत. त्यांच्या सुटकेसाठी स्वयंसेवी संस्थांच्यावतीने प्रयत्न सुरू असतात.
महत्त्वाच्या बातम्या
ट्रेंडिंग न्यूज
