Petrol Diesel Price : कच्च्या तेलाच्या दराने मोडला सात वर्षांतील उच्चांक; जाणून घ्या आजचे पेट्रोल-डिझेलचे दर
Petrol-Diesel Price Today 19 February 2022: आंतरराष्ट्रीय बाजारात कच्च्या तेलाचे दर प्रति बॅरल 100 डॉलर झाली. तर, दुसरीकडे देशात इंधन दर स्थिर आहे.
Petrol-Diesel Price Today 19 February 2022: आंतरराष्ट्रीय बाजारात कच्च्या तेलाच्या दराने मागील सात वर्षातील उच्चांक गाठला आहे. आंतरराष्ट्रीय बाजारात कच्च्या तेलाच्या दराने प्रति बॅरल 100 डॉलर इतका उच्चांकी दर गाठला आहे. मागील काही दिवसांपासून आंतरराष्ट्रीय बाजारात कच्च्या तेलाच्या दरात वाढ होत असताना दुसरीकडे भारतात मात्र इंधन दर स्थिर आहेत.
मागील 106 दिवसांपासून पेट्रोल-डिझेलचे दर स्थिर आहेत. पेट्रोलच्या दराने शंभरी गाठल्यानंतर नागरिकांनी संताप व्यक्त केला होता. त्यानंतर केंद्र सरकारने पेट्रोलच्या उत्पादन शुल्कावर 5 रुपये आणि डिझेलवर 10 रुपये प्रति लिटर घट केली होती. त्यानंतर काही राज्यांनी वॅट आणि इतर कर कपात करून पेट्रोल दर 100 रुपयांच्या खाली आणले. महाराष्ट्रात पेट्रोलचे दर अद्यापही शंभर रुपयांहून अधिक आहे.
प्रमुख शहरं पेट्रोलची किंमत प्रति लिटर डिझेलची किंमत प्रति लिटर
मुंबई 109.98 रुपये प्रति लिटर 94.14 रुपये प्रति लिटर
ठाणे 110.12 रुपये प्रति लिटर 94.28 रुपये प्रति लिटर
पुणे 109.52 रुपये प्रति लिटर 92.31 रुपये प्रति लिटर
नाशिक 110.40 रुपये प्रति लिटर 93.16 रुपये प्रति लिटर
नागपूर 95.27 रुपये प्रति लिटर 86.21 रुपये प्रति लिटर
कोल्हापूर 110.09 रुपये प्रति लिटर 92.89रुपये प्रति लिटर
अहमदनगर 109.55 रुपये प्रति लिटर 92.35 रुपये प्रति लिटर
अमरावती 111.55 रुपये प्रति लिटर 95.74 रुपये प्रति लिटर
देशातील चार महानगरांतील पेट्रोल-डिझेलच्या किमतींमध्ये कोणताही बदल झालेला नाही. मुंबई, दिल्ली, कोलकाता आणि चेन्नईमध्ये पेट्रोल-डिझेलच्या किंमतींमध्ये कोणताही बदल करण्यात आलेला नाही. पेट्रोलची सर्वाधिक किंमत मुंबईमध्ये असून प्रति लिटर 110 रुपये दर आहे.
देशात चार महानगरांतील पेट्रोल-डिझेलचे दर काय?
- दिल्लीत पेट्रोल 95.41 रुपये आणि डिझेल 86.67 रुपये प्रति लिटर
- मुंबईत पेट्रोल 109.98 रुपये आणि डिझेल 94.14 रुपये प्रति लिटर
- चेन्नईत पेट्रोल 101.40 रुपये आणि डिझेल 91.43 रुपये प्रति लिटर
- कोलकाता पेट्रोल 104.67 रुपये आणि डिझेल 89.79 रुपये प्रति लिटर
पेट्रोल आणि डिझेलचे दर (Petrol Diesel Price ) कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
महत्त्वाच्या बातम्या
