Corona New Cases : देशात कोरोनाच्या 12 हजार 514 नव्या रुग्णांची नोंद, 248 दिवसांनी सर्वात कमी सक्रिय रुग्ण
गेल्या काही दिवसांपासून देशासह राज्यातील कोरोना रुग्णसंख्येचा आलेख घसरताना दिसत आहे. अशातच काल (रविवारी) 12 हजार 514 नव्या रुग्णांची नोंद करण्यात आली आहे.
Covid-19 Cases : देशासाठी ही दिलासादायक बाब आहे की, सध्या देशातील कोरोना प्रादुर्भावात काही प्रमाणात घट झाली आहे. आज 12 हजार 514 कोरोनाबाधितांची नोंद करण्यात आली आहे. त्यानंतर कोरोना बाधितांची एकूण संख्या वाढून 3 कोटी 42 लाख 85 हजार 814 वर पोहोचली आहे. आरोग्य मंत्रालयानं जारी केलेल्या आकडेवारीनुसार, रविवार सकाळपर्यंत 251 रुग्णांनी आपला जीव गमावला आहे. त्यामुळे मृतांचा आकडा वाढून 4 लाख 58 हजार 437 वर पोहोचला आहे. कोरोनाबाधितांचा दैनंदिन आकडा सलग 24व्या दिवशी 20 हजारांहून कमी आणि सलग 127व्या दिवशी 50 हजारांहून कमी आहे.
राज्यात काल (रविवारी) 1399 रुग्णांची नोंद तर 20 जणांचा मृत्यू
गेल्या काही दिवसांपासून राज्यातील कोरोना रुग्णसंख्येचा आलेख घसरताना दिसत आहे. राज्याच्या आरोग्य मंत्रालयाने जाहीर केलेल्या ताज्या आकडेवारीनुसार, गेल्या 24 तासात 1,172 नवीन रुग्णांची भर पडली आहे तर 20 जणांचा मृत्यू झाला आहे. तसेच 1,399 जण कोरोनामुक्त होऊन घरी परतले आहेत. राज्यातील रुग्ण बरे होण्याचे प्रमाण हे 97.57 टक्के इतकं झालं आहे तर मृत्यूदर हा 2.12 टक्क्यांवर पोहोचला आहे.
राज्यात सध्या 16,658 रुग्णांवर उपचार सुरु आहेत. राज्यात 1,65,826 जण होम क्वॉरंटाईनमध्ये आहेत तर 837 जण संस्थात्मक क्वारंटाईनमध्ये आहेत. आजपर्यंत 6,26,67,211 प्रयोगशाळा तपासण्या करण्यात आल्या आहे.
पुणे जिल्ह्यात सध्या सर्वात जास्त 3432 अॅक्टिव्ह रुग्ण आहेत. जळगाव (10), नंदूरबार (1), धुळे (6), जालना (23), लातूर(82), परभणी (32), हिंगोली (19), नांदेड (24), अकोला (17), अमरावती (17), वाशिम (03), बुलढाणा (07), नागपूर (74), यवतमाळ (06), वर्धा (6), भंडारा (2), गोंदिया (2), चंद्रपूर (17) आणि गडचिरोली (03) या जिल्ह्यात अॅक्टिव्ह रुग्णसंख्या 100 च्या खाली आहे.
मुंबईत 315 कोरोनाबाधित रुग्णांची नोंद
गेल्या 24 तासात मुंबईमध्ये 315 कोरोना रुग्णांची नोंद झाली आहे तर तीन रुग्णांचा मृत्यू झाला आहे. गेल्या 24 तासात 429 रुग्णांनी कोरोनावर मात केली आहे. मुंबईत आतापर्यंत 7,33,318 रुग्ण कोरोनामुक्त झाले असून रिकव्हरी रेट हा 97 टक्के इतका झाला आहे. मुंबईत 3849 सक्रिय रुग्ण आहेत. तर रुग्ण दुपटीचा दर हा 1567 दिवसांवर पोहोचला आहे.
महत्त्वाच्या बातम्या
ट्रेंडिंग न्यूज
