Gokul Morcha Kolhapur: भस्मासूर, रेडा, म्हशी, घोडा अन् कोल्हापुरी पायताण! कुठं बी हुडिक, रस्त्यावर नुसतं पब्लिक; गोकुळ मोर्चाला सुरुवात होण्यापूर्वीच दसरा चौक तुंडूब भरला
Gokul Morcha Kolhapur: या मोर्चानध्ये विशेष म्हणजे दुभत्या म्हशी, रेडा, भस्मासुर अशा विविध प्रतीकात्मक वस्तूंनी सुद्धा लक्ष वेधून घेतलं आहे. इतकेच नव्हे तर आसूड सुद्धा शेतकऱ्यांकडून ओढण्यात येत आहेत.

Gokul Morcha Kolhapur: कोल्हापूर जिल्हा सहकारी दूध उत्पादक संघ अर्थात गोकुळच्या मोर्चामध्ये अभूतपूर्व जनता रस्त्यावर्ती उतरली आहे. आज कोल्हापुरात दसरा चौकातून कोल्हापूर जिल्हाधिकारी कार्यालयापर्यंत मोर्चा धडकणार असून, मोर्चाला प्रारंभ होण्यापूर्वीच दसरा चौक तुडुंब भरून गेला आहे. दसरा चौकाच्या दिशेने येणाऱ्या सर्व मार्गांवरती फक्त आणि फक्त शेतकरी एकवटला असून, महायुतीविरोधात संतापाचा उद्रेक झाला आहे. या मोर्चानध्ये विशेष म्हणजे दुभत्या म्हशी, रेडा, भस्मासुर अशा विविध प्रतीकात्मक वस्तूंनी सुद्धा लक्ष वेधून घेतलं आहे. इतकेच नव्हे तर आसूड सुद्धा शेतकऱ्यांकडून ओढण्यात येत आहेत.
याचाच एक भाग म्हणून आज कोल्हापूरमध्ये ऐतिहासिक दसरा चौकातून कोल्हापूर जिल्हाधिकाऱ्यांवर विराट मोर्चा निघणार आहे. या मोर्चासाठी अवघ्या जिल्ह्यातूनच नव्हे तर कोल्हापूर, सांगली, सातारातील शेतकरी सुद्धा महायुतीविरोधात एकवटण्याची चिन्हे आहेत. कोल्हापूरच्या दसरा चौकामध्ये मोर्च्याच्या पार्श्वभूमीवर अभूतपूर्व असा बंदोबस्त तैनात करण्यात आला आहे. दुसरीकडे कोल्हापूरमध्ये या मोर्च्यासाठी अत्यंत संतापाचे वातावरण दिसत असून कोल्हापुरी पायताण सुद्धा प्रतीकात्मक आणण्यात आलं आहे. मोर्चामधील लक्षवेधी बॅनर सुद्धा चर्चेचे विषय ठरले आहेत.





















