Coronavirus | देशात कोरोना बाधितांचा आकडा 96 हजार पार; आतापर्यंत देशात 3029 रुग्णांचा मृत्यू

देशात कोरोनाचा कहर सुरु आहे. आतापर्यंत देशात 3029 कोरोना बाधितांचा मृत्यू झाला असून कोरोनाग्रस्तांचा आकडा 96 हजार पार पोहोचली आहे.

नवी दिल्ली : देशात लॉकडाऊनचा चौथा टप्पा सुरु झाला आहे. लॉकडाऊनचा चौथा टप्पा 31 मेपर्यंत लागू करण्यात आला आहे. लॉकडाऊननंतरही देशात कोरोना बाधितांची संख्या वाढत आहे. देशात मागील 24 तासांत नवे 5242 कोरोना बाधित रुग्ण आढळून आले आहेत. जे एका दिवसात आतापर्यंतचे आढळून आलेले सर्वाधिक रुग्ण आहेत. तर मागील 24 तासांमध्ये 157 रुग्णांचा मृत्यू झाला आहे. आरोग्य मंत्रालयाच्या ताज्या आकडेवारीनुसार, आतापर्यंत 96 हजार 169 लोकांना कोरोनाची बाधा झाली आहे. तर 3029 रुग्णांचा मृत्यू झाला आहे. 36 हजार 824 लोक कोरोनामुक्त होऊन घरी परतले आहेत. जाणून घ्या तुमच्या राज्यात कोरोना व्हायरसची काय परिस्थिती त्याबाबत...

दरम्यान, भारतात कोरोना बाधितांच्या संख्येत झपाट्याने वाढ होत आहे. मागील तीन दिवसांमध्ये रुग्णांची संख्या दुप्पट होण्याचा दर 13.6 दिवसांवर आला आहे. तर मागील 14 दिवसांत हा दर 11.5 वर होता. देशात रविवारी कोरोना व्हायरसचे जवळपास पाच हजार नवे रुग्ण समोर आले आहेत. केंद्रीय आरोग्य मंत्री हर्षवर्धन यांनी सांगितले की, मृत्यूदरात घट होऊन 3.1 टक्क्यांवर आला आहे. तर कोरोनामुक्त होणाऱ्यांच्या संख्येत वाढ झाली असून हा दर 37.5 टक्क्यांवर पोहोचला आहे.

भारतात कोरोना व्हायरसच्या रुग्णांची संख्या 106 दिवसांमध्ये 80 हजारांवर पोहोचली आहे. तर ब्रिटन, इटली, स्पेन, जर्मनी आणि अमेरिकेला या संख्येवर पोहोचण्यासाठी 44 ते 66 दिवस लागले होते. आठ राज्यात आणि केंद्र शासित प्रदेश तसेच, अरुणाचल प्रदेश, चंदिगढ, लडाख, मेघालय, मिझोरम, पद्दुचेरी आणि अंदमान निकोबार द्वीप समूह आणि ददरा आणि नगर हवेलीमध्ये मागील 24 तासांत कोरोनाचा कोणताही रुग्ण समोर आलेला नाही. सिक्किम, नागालँड, दमन आणि दीव, लक्षद्वीपमध्ये आतापर्यंत एकही रुग्ण आढळून आलेला नाही.

संबंधित बातम्या :