लॉकडाऊन 4 मध्ये फक्त स्पेशल ट्रेन, पार्सल आणि मालगाड्या धावणार : भारतीय रेल्वे

श्रमिक विशेष आणि प्रायोगिक तत्वावरील 15 विशेष गाड्या सुरू राहणार आहे. यामध्ये पार्सल आणि मालवाहतूक गाड्यांचा देखील समावेश असणार आहे.

नवी दिल्ली : देशभरात लॉकडाऊन वाढवण्याची घोषणा करण्यात आली आहे. येत्या 31 मेपर्यंत हे लॉकडाऊन वाढवण्यात आहे. लॉकडाऊनच्या चौथ्या टप्प्यात कामगार विशेष, इतर विशेष गाड्या, पार्सल सेवा आणि फक्त मालगाड्या सुरू राहणार असल्याचे भारतीय रेल्वेने स्पष्ट केले आहे. कोरोनाच्या पार्श्वभूमीवर रेल्वेने 30 जून पर्यंत सर्व नियमित प्रवासी गाड्या रद्द केल्या आहेत.

देशात 25 मार्चपासून लॉकडाऊन जाहीर करण्यात आला आहे. लॉकडाऊनच्या सर्व टप्प्यात पार्सल सेवा आणि मालवाहतूक गाड्या सुरू आहे. त्याचबरोबर परप्रांतीय कामगारांना त्यांच्या मूळ राज्यात जाण्यासाठी रेल्वेने 1 मेपासून कामगार विशेष ट्रेन चालवण्यास सुरूवात केली. देशात 15 मार्गावरची वाहतूक प्रायोगिक तत्वावर सुरु केली आहे. भारतीय रेल्वचे प्रवक्ता आरडी वाजपेयी म्हणाले, रेल्वेच्या नियमांमध्ये कोणताही बदल झालेला नाही. लॉकडाऊनच्या तिसऱ्या टप्प्यात देण्यात आलेली मार्गदर्शक तत्त्वे लागू राहतील. श्रमिक विशेष आणि प्रायोगिक तत्वावरील 15 विशेष गाड्या सुरू राहणार आहे. यामध्ये पार्सल आणि मालवाहतूक गाड्यांचा देखील समावेश असणार आहे.

लॉकडाऊन-4 मध्ये काय सुरु राहणार?

• ऑनलाईन लर्निंग सुरु राहणार.
• स्पोर्ट्स कॉम्प्लेक्स आणि स्टेडियम सुरु होणार, मात्र प्रेक्षकांना जमा होण्यासा परवानगी नाही.
• स्टेडियम प्रॅक्टिससाठी सुरु होणार.
• सरकारी कार्यालये सुरु होणार.
• सरकारी कॅन्टिन सुरु राहणार.

लॉकडाऊन-4 मध्ये काय बंद राहणार?

• विमानसेवा बंद राहणार.
• मेट्रो सेवा बंद राहणार.
• शाळा-कॉलेज बंद राहणार.
• हॉटेल, रेस्टॉरंट बंद राहणार.
• थिएटर, शॉपिंग मॉल, जिमही बंदच राहणार.
• धार्मिक, सामाजिक कार्यंक्रमांना परवानगी नाही.

 जगभरात आतापर्यंत 48 लाख कोरोना बाधित लोक आहेत. तर आतापर्यंत 3 लाख 16 हजार लोकांचा मृत्यू झाला आहे. तसेच 18 लाख 56 हजार 188 लोक कोरोनामुक्त झाले आहेत.

संबंधित बातम्या :