Covid19 : देशात 100 दिवसांतील सर्वाधिक रुग्ण वाढ, एका दिवसात 17,336 नवीन कोरोनाबाधित
Coronavirus New Cases : भारतात कोरोना विषाणूच्या संसर्गाला प्रचंड वेग आला आहे. गेल्या 24 तासांत 17 हजार 336 नवीन रुग्णांची नोंद झाली असून 13 रुग्णांचा मृत्यू झाला आहे.
Coronavirus Cases Today in India : भारतात कोरोना विषाणूच्या संसर्गाला प्रचंड वेग आला आहे. गेल्या 24 तासांत 17 हजार 336 नवीन रुग्णांची नोंद झाली आहे. तर 13 रुग्णांचा मृत्यू झाला आहे. आदल्या दिवशीच्या तुलनेत रुग्णांची संख्या 30 टक्क्यांनी वाढली आहे. ही मागील 100 दिवसांमधील सर्वाधिक रुग्णवाढ आहे. गुरुवारी दिवसभरात 13 कोरोनाबाधितांचा मृत्यू झाल्यामुळे देशातील कोरोनामुळे मृत्यू झालेल्या रुग्णांची एकूण संख्या 5 लाख 24 954 वर पोहोचली आहे. मात्र दिलासादायक बाब म्हणजे कोरोनावर मात करणाऱ्या रुग्णांच्या संख्येतही वाढ झाली आहे. केंद्रीय आरोग्य मंत्रालयाने नवीन आकडेवारी जारी करत देशातील कोरोना संसर्गाच्या परिस्थितीची माहिती दिली आहे.
महाराष्ट्रात 5,218 नवे कोरोनाबाधित
महाराष्ट्रात 11 फेब्रुवारीनंतर एका दिवसात सर्वात जास्त कोरोना रुग्णांची नोंद झाली आहे. गुरुवारी दिवसभरात महाराष्ट्रात 5,218 नवीन कोरोना रुग्णांची नोंद झाली आहे. तर 4989 रुग्ण कोरोनामुक्त झाले आहेत. दरम्यान नोंद झालेल्या रुग्णांपैकी सर्वाधिक रुग्ण हे मुंबईतील आहे. मुंबईत सर्वाधिक म्हणजे 2479 रुग्णांची भर पडली आहे. तसेच एका कोरोनाबाधित रुग्णाने आपला जीव गमवाला. त्यामुळे कोरोना रुग्ण बरे होण्याचं प्रमाण 97.83 टक्के इतकं झालं आहे.
दिल्लीत 1,934 नवीन कोरोना रुग्णांची नोंद
देशाची राजधानी दिल्लीमध्ये गुरुवारी 1,934 नवीन कोरोना रुग्णांची नोंद झाली आहे. तर बुधवारी दिवसभरात 928 कोरोनाबाधितांची नोंद झाली होती. सध्या दिल्लीत 5,755 सक्रिय कोरोना रुग्ण आहेत.
सक्रिय रुग्णांचा आकडा 88 हजारांपार
देशातील सक्रिय कोरोना रुग्णांचा आकडा 88 हजारांच्या पुढे गेला आहे. भारतात सध्या 88 हजार 284 रुग्ण कोरोना विषाणूच्या संसर्गावर उपचार घेत आहेत. देशातील दैनंदिन रुग्ण सकारात्मकतेचा दर 4.32 टक्के आणि रुग्ण बरे होण्याचं प्रमाण 98.59 टक्के इतकं आहे.
#AmritMahotsav#Unite2FightCorona#LargestVaccineDrive
— Ministry of Health (@MoHFW_INDIA) June 24, 2022
𝗖𝗢𝗩𝗜𝗗 𝗙𝗟𝗔𝗦𝗛https://t.co/sMNqqfv29V pic.twitter.com/yogIBaBbZP
महत्त्वाच्या इतर बातम्या
- Assam Flood : कौतुकास्पद! रुग्णासाठी आसामच्या मंत्र्यांनी पुरात चालवली बोट; व्हिडीओ व्हायरल
- Petrol Diesel Price : कच्च्या तेलाच्या किमती पुन्हा वाढल्या, देशात पेट्रोल-डिझेलच्या दरांवर परिणाम होणार?
- Amit Saha : लोकांचं सक्षमीकरण करण्याची जबाबदारी सहकारी संस्थांसह सरकारवर, सहकारी विद्यापीठ स्थापनेचा मार्ग मोकळा : अमित शाह
Before You Go
Mumbai High Court on FDA : अन्न-औषध प्रशासनाच्या कारवाई पद्धतीवरच हायकोर्टाकडून सवाल
महत्त्वाच्या बातम्या
