Corona Vaccination : लसीकरणाचा विश्वविक्रम! देशात एकाच दिवसात 2.5 कोटी डोस वितरित

भारताने शुक्रवारी कोरोना लसीकरणाच्या कार्यक्रमात नवीन विश्वविक्रम प्रस्थापित केला असून एकाच दिवसात 2.5 कोटीहून अधिक डोस देण्यात आले. शुक्रवारी भारतात 466 डोस प्रति सेंकद या वेगाने डोस देण्यात आले.

Vaccine

नवी दिल्ली : शुक्रवारी (17 सप्टेंबर) देशाचे पंतप्रधान नरेंद्र मोदी यांचा वाढदिवस साजरा करण्यात आला. या दिनाचे औचित्य साधून देशातील कोरोना लसीकरणाच्या कार्यक्रमाने एक नवा विश्वविक्रम प्रस्थापित केला आहे. शुक्रवारी देशात एकाच दिवशी कोरोना लसीचे 2.5 कोटीहून अधिक डोस देण्यात आले. देशात जगातील सर्वात मोठा लसीकरणाचा कार्यक्रम सुरु असून आतापर्यंत चार वेळा एकाच दिवशी एक कोटीपेक्षा अधिक नागरिकांना लस देण्यात आली आहे. 

या आधी एकाच दिवशी कोरोनाच्या सर्वाधिक लसी देण्याचा विक्रम चीनच्या नावावर होता. चीनने एकाच दिवशी 2.47 कोटी लसी वितरित केल्या होत्या. तो विक्रम भारताने मोडला आहे. भारताने हा विश्वविक्रम केल्याची माहिती केंद्रीय आरोग्यमंत्री मनसुख मांडविय यांनी दिली आहे. 

 

Congratulations india!

PM @NarendraModi जी के जन्मदिवस पर भारत ने आज इतिहास रच दिया है।

2.50 करोड़ से अधिक टीके लगा कर देश और विश्व के इतिहास में स्वर्णिम अध्याय लिखा है।

आज का दिन हेल्थकर्मियों के नाम रहा। #HealthArmyZindabad pic.twitter.com/F2EC5byMdt

— Mansukh Mandaviya (@mansukhmandviya) September 17, 2021

466 डोस प्रति सेकंद
भारतात जगातील सर्वात मोठा लसीकरणाचा कार्यक्रम सुरु आहे. तो आता जगातील सर्वात जलद लसीकरणाचा कार्यक्रमही बनला आहे. शुक्रवारी देशामध्ये प्रतिसेकंद 466 डोस देण्यात आले आहेत. याचा अर्थ प्रति मिनीटाला 28 हजार डोस तर प्रति तासाला 17 लाख डोस देण्याचा विक्रम करण्यात आला. 

काल पंतप्रधान नरेंद्र मोदी यांचा वाढदिवस साजरा करण्यात आला. त्या निमित्ताने देशात अनेक ठिकाणी कोरोनाच्या लसीकरणाचे विशेष कार्यक्रम राबवण्यात आले. 

महत्वाच्या बातम्या :