सोनिया गांधींनी लोकसभेत मुद्दा मांडल्यानंतर सीबीएसईच्या परीक्षेतील 'तो' वादग्रस्त परिच्छेद मागे 

शुक्रवारी सीबीएसईच्या (CBSE) दहावीच्या विद्यार्थ्यांचा इंग्रजी परीक्षेचा पेपर झाला. या परीक्षेत देण्यात आलेल्या एका परिच्छेदामुळे विद्यार्थी, पालकांसह राजकीय व्यक्तींनी संताप व्यक्त केला होता.

CBSE

नवी दिल्ली : कॉंग्रेस नेत्या सोनिया गांधी (Sonia Gandhi ) यांनी आज लोकसभेत मुद्दा उपस्थित केल्यानंतर सीबीएसईच्या (CBSE)  परीक्षेतील वादग्रस्त परिच्छेद मागे घेण्यात आला आहे. सीबीएसईने त्याबाबतचे परिपत्रक काढून माहिती दिली आहे. महत्वाची गोष्ट म्हणजे या परिच्छेदावर विचारण्यात आलेल्या प्रश्नांना सर्वच विद्यार्थ्यांना पूर्ण गूण देण्यात येणार असल्याचेही सीबीएसईच्या परीपत्रकात म्हटले आहे. 

शुक्रवारी सीबीएसईच्या (CBSE) दहावीच्या विद्यार्थ्यांचा इंग्रजी परीक्षेचा एक पेपर झाला. या परीक्षेत देण्यात आलेल्या एका परिच्छेदामुळे विद्यार्थी, पालकांसह राजकीय व्यक्तींनी संताप व्यक्त केला होता. शुक्रवारी विद्यार्थ्यांना परीक्षेला बसल्यानंर पेपरमध्ये देण्यात आलेला परीच्छेद पाहून धक्काच बसला. या प्रकरणावर कॉंग्रेस नेत्या सोनिया गांधी आणि कॉंग्रेस नेते राहुल गांधी यांनी नाराजी व्यक्त केली. राहुल गांधी यांनी याबाबत ट्विटही केले होते. यानंतर अखेर सीबीएसईने तो वादग्रस्त परिच्छेद मागे घेत असल्याची माहिती दिली. 

Most #CBSE papers so far were too difficult and the comprehension passage in the English paper was downright disgusting.

Typical RSS-BJP ploys to crush the morale and future of the youth.

Kids, do your best.
Hard work pays. Bigotry doesn’t.

— Rahul Gandhi (@RahulGandhi) December 13, 2021

“बायकांच्या मक्तेदारीमुळे पालकांचा मुलांवरील अधिकार नष्ट झाला. पुरुषाला त्याच्या मुळ स्थानावरून खाली आणण्यासाठी पत्नी आणि आईने स्वत:वरील बंधने पायदळी तुडवली. पती आधी "स्वतःच्या घराचा मालक" होता. परंतु, पत्नीने त्याला आपल्या आज्ञेखाली आणले. त्याबरोबरच मुलांना आणि नोकरांना त्यांच्या अस्तित्वाची जाणीव करून घेण्यास शिकवले गेले" असे वर्णन या परीच्छेदात करण्यात आले होते.  

अनेक विद्यार्थ्यांना हा स्त्रीयांचा अपमान वाटला होता. या उताऱ्याखाली देण्यात आलेल्या एका बहुपर्यायी प्रश्नात लेखाकची वैशिष्ट्य विचारण्यात आली आहेत. या प्रश्नाचे उत्तर देताना अनेक विद्यार्थ्यांनी “पुरुष अराजकतावादी डुक्कर” असे उत्तर लिहिले. CBSE च्या उत्तर पत्रीकेनुसार या प्रश्नाचे योग्य उत्तर म्हणजे लेखक “जीवनाकडे हलक्या-मनाच्या दृष्टीकोनातून पाहतो ”. असे आहे. तर इतर पर्यायांमध्ये लेखक "एक असंतुष्ट पती" किंवा "त्याच्या कुटुंबाचे मनापासून  कल्याण साधणारा". असा पर्यायांचा समावेश करण्यात आला होता. 

दरम्यान, “परीक्षेत असा प्रतिगामी आणि अयोग्य परिच्छेद देण्यात आला यावर माझा विश्वास बसत नाही. 2021 मध्ये राष्ट्रीय स्तरावरील परीक्षेत CBSE बोर्ड हे करू शकते हे खूप निराशाजनक आहे,” असा संताप चेन्नईच्या एका शाळेतील विद्यार्थिनीने व्यक्त केला होता. 

संबंधित बातम्या