CCTV : माता न तू वैरिणी, चिमुकल्याला बेदम मारहाण

लखनऊ : आईने आपल्या दीड वर्षाच्या चिमुरड्याला निर्दयीपणे मारल्याची दृष्य सीसीटीव्हीत कैद झाली आहेत. उत्तर प्रदेशातील बरेलीतील एका महिलेने हे क्रूर कृत्य केलं.   दीड वर्षाच्या या बाळाचं नाव वेदांत चर्तुवेदी असं आहे. बरेलीतील सुभाषनगर परिसरात राहणाऱ्या दीपक चतुर्वेदी यांनी चार वर्षापूर्वी पूनमसोबत लग्न केलं. दीड वर्षांपूर्वी वेदांतचा जन्म झाला. वेदांतचे वडील दीपक चर्तुवेदी यांनी त्यांची बायको पूनमवर निदर्यीपणे आपल्या मुलाला मारहाण केल्याचा आरोप केलाय.   सीसीटीव्ही फुटेजचा आधार घेत, दीपक यांनी स्थानिक पोलीस ठाण्यात तक्रारदेखील केली आहे. दरम्यान नवऱ्यानेच वेडं होण्याचं औषध दिल्यामुळे हे कृत्य केल्याचा खुलासा वेदांतला चोप देण्याऱ्या महिलेने केलाय.