Iran, visa for citizens of India : इराणकडून भारतीय पर्यटकांना या तारखेपासून व्हिसा फ्री एन्ट्री; काय आहे नियमावली?

इस्लामिक रिपब्लिक ऑफ इराणच्या सरकारने 4 फेब्रुवारी 2024 पासून भारतीय नागरिकांसाठी व्हिसा फ्री एन्ट्री लागू केली आहे. यामध्ये नियम आणि अटींचाही समावेश करण्यात आला आहे.

Iran, visa for citizens of India

Iran, visa for citizens of India : आर्थिक अडचणीत सापडलेल्या इराणने भारतासोबत संबंध आणखी दृढ करताना व्हिसा फ्री एन्ट्री लागू केली आहे. त्यामुळे भारतीय पर्यटकांना इराणमध्ये व्हिसा फ्री एन्ट्री असेल. सांस्कृतिक देवाणघेवाण आणि पर्यटनाला चालना देण्याच्या उद्देशाने महत्त्वपूर्ण पाऊल उचलण्यात आलं आहे. इस्लामिक रिपब्लिक ऑफ इराणच्या सरकारने 4 फेब्रुवारी 2024 पासून भारतीय नागरिकांसाठी व्हिसा फ्री एन्ट्री लागू केली आहे. यामध्ये नियम आणि अटींचाही समावेश करण्यात आला आहे.

According to the approval of the Government of the Islamic Republic of Iran, visa for citizens of India will be abolished starting from 4th February 2024 subject to the following conditions-

1. Individuals holding ordinary passports will be allowed to enter the country without a… pic.twitter.com/9QjjKETt1o

— Press Trust of India (@PTI_News) February 6, 2024

इस्लामिक रिपब्लिक ऑफ इराणच्या सरकारच्या मान्यतेनुसार 4 फेब्रुवारी 2024 पासून खालील अटींच्या अधीन राहून भारतीय नागरिकांसाठी व्हिसा रद्द केला जाईल.

1. सामान्य पासपोर्ट धारण केलेल्या व्यक्तींना दर सहा महिन्यांनी एकदा व्हिसाशिवाय देशात प्रवेश करण्याची परवानगी दिली जाईल, जास्तीत जास्त 15 दिवसांचा मुक्काम असेल. 5 दिवसांचा कालावधी वाढवता येणार नाही.
2. व्हिसा रद्द करणे केवळ पर्यटनाच्या उद्देशाने इस्लामिक रिपब्लिक ऑफ इराणच्या प्रदेशात प्रवेश करणाऱ्या व्यक्तींना लागू होईल. 
3. जर भारतीय नागरिकांना दीर्घ कालावधीसाठी राहायचे असेल किंवा सहा महिन्यांच्या कालावधीत मल्टी एन्ट्री असतील किंवा इतर प्रकारच्या व्हिसाची आवश्यकता असेल तर त्यांनी भारतातील इस्लामिक रिपब्लिक ऑफ इराणच्या संबंधित प्रतिनिधींद्वारे आवश्यक व्हिसा प्राप्त करणे आवश्यक आहे.
4. या मंजुरीमध्ये नमूद केलेला व्हिसा रद्द करणे विशेषतः हवाई सीमेवरून देशात प्रवेश करणाऱ्या भारतीय नागरिकांना लागू होते.
डिसेंबर 2023 मध्ये, इराणने 33 देशांतील नागरिकांसाठी व्हिसा धोरणात बदल करण्याची घोषणा केली होती. 

अलीकडेच मलेशिया, श्रीलंका आणि व्हिएतनामने भारतातून येणाऱ्या पर्यटकांसाठी व्हिसा फ्री एन्ट्री धोरण लागू केलं आहे. यापूर्वी, इराणमध्ये तुर्कीये, अझरबैजान प्रजासत्ताक, ओमान, चीन, आर्मेनिया, लेबनॉन आणि सीरिया येथील पर्यटकांना व्हिसा फ्री एन्ट्री होती. 

इराणच्या नवीन व्हिसा फ्री एन्ट्रीसाठी मंजूर केलेले देश पुढीलप्रमाणे आहेत

भारत, रशियन, संयुक्त अरब अमिराती, बहरीन, सौदी अरेबिया, कतार, कुवेत, लेबनॉन, उझबेकिस्तान, किर्गिस्तान, ताजिकिस्तान, ट्युनिशिया, मॉरिटानिया, टांझानिया, झिम्बाब्वे, मॉरिशस, सेशेल्स , इंडोनेशिया, दारुसलाम, जपान, सिंगापूर, कंबोडिया, मलेशिया, व्हिएतनाम, ब्राझील, पेरू, क्युबा, मेक्सिको, व्हेनेझुएला, बोस्निया आणि हर्जेगोविना, सर्बिया, क्रोएशिया आणि बेलारूस.

इतर महत्वाच्या बातम्या