Chinese Loan App : अॅपद्वारे चीन चोरतोय भारतीयांचा वैयक्तिक डेटा! आठ जणांना अटक

Chinese Loan App : कर्ज देण्याच्या आमिषाने चायनीज लोन अॅपद्वारे भारतीय लोकांना फसवणाऱ्या टोळीचा दिल्ली पोलिसांच्या सायबर क्राइम युनिटने (IFSO) पर्दाफाश केला आहे.

accused

Chinese Loan App : चायनीज लोन अॅपद्वारे भारतीय लोकांना फसवणाऱ्या टोळीचा दिल्ली पोलिसांच्या सायबर क्राइम युनिटने (IFSO) पर्दाफाश केला आहे. या टोळ्या कर्जदारांना बदनामी करण्याच्या नावाखाली धमकावत असत. पोलिसांनी या टोळीतील आठ जणांना अटक केली असून ते सर्व भारतीय आहेत. धक्कादाय म्हणजे हे सर्व आरोपी चिनी टोळीसाठी काम करत होते, अशी माहिती समोर आली आहे. चीनमधील या टोळीचा मास्टरमाइंड एक चायनीज असल्याचीही माहिती पोलिसांना मिळाली आहे. 

चिनी टोळीसाठी काम करणारे हे आरोपी क्रिप्टोकरन्सीद्वारे आपल्या चिनी मालकांना पैसे पाठवत होते, असा पोलिसांचा दावा आहे. या टोळीकडून अ‍ॅपद्वारे थोड्या प्रमाणात कर्ज दिले जाते. परंतु, त्याबदल्यात अनेक पट रुपये आकारले जातात. ज्यांना कर्जाची रक्कम परत करता आली नाही, किंवा कर्जाच्या रकमेपेक्षा जास्त रक्कम देण्यास नकार दिला, त्यांचे फोटो मॉर्फ करून अश्लील बनवले जातात. शिवाय त्यांच्या नातेवाईकांना फोन करून त्रास दिला जातो. अशा प्रकारे अनेक भारतीय नागरिकांचा वैयक्तिक डेटा चीनमध्ये पोहोचला असून हे सर्व या चिनी लोन अॅप्समुळे घडले असल्याचा दावाही पोलिसांनी केला आहे.

आईएफएसओ के डीसीपी केपीएस ​​मल्होत्रा ​​यांनी याबाबत बोलताना सांगितले की, चीन, हाँगकाँग आणि दुबई येथून कार्यरत असलेल्या आंतरराष्ट्रीय टोळीच्या भारतीय नेत्यासह आठ सदस्यांना देशाच्या विविध भागातून अटक करण्यात आली आहे. या टोळीने भारतीय लोकांकडून फसवणूक आणि खंडणीच्या माध्यमातून अनेक कोटी रुपये उकळले आहेत. त्यानंतर क्रिप्टोकरन्सीद्वारे चिनी लोकांच्या खात्यात पैसे ट्रान्सफर केले गेले आहेत.  

पोलिसांनी दिलेल्या माहितीनुसार, तांत्रिक तपासाअंती ही टोळी लोन अॅपद्वारे लोकांच्या मोबाईलमध्ये मालवेअर सॉफ्टवेअर बसवत असल्याचे निष्पन्न झाले असून त्याद्वारे त्यांचा वैयक्तिक डेटा एक्सेस केला जाऊ शकतो. त्यानंतर कर्जाची रक्कम परत मागण्याच्या नावाखाली लोकांना त्रास दिला जात असे. तो त्यांच्या मॉर्फ केलेल्या फोटोद्वारे गोळा करण्यात येत असे.  

अटक करण्यात आलेल्या आठ जणांकडून 25 पेक्षा जास्त बँक खातीही पोलिसांनी गोठवली आहेत. अटक करण्यात आलेल्या आरोपींकडून पोलिसांनी 16 डेबिट कार्ड, 22 चेकबुक आणि 26 पासपोर्ट जप्त केले आहेत. जप्त करण्यात आलेल्या खात्यांमध्ये 11 लाख रुपये मिळाले आहेत.  

महत्वाच्या बातम्या