बीड तुझ्या बापाची जहांगिरी आहे का? लक्ष्मण हाके यांची गंगाधर काळकुटेंवर जळजळीत टीका; तर मंत्री भुजबळ म्हणाले, असे खूप बघितलेत
Beed : मंत्री भुजबळ यांनी, काळकुटेंसारखे भरपूर बघितले असे म्हणत टीका केली. 'बीड जिल्हा काय यांच्या बापाची जाहंगिरी आहे का?' असा संतप्त सवाल करत लक्ष्मण हाके यांनी पुन्हा डिवचल्याचं पाहायला मिळाला.
Beed OBC Morcha : बीड (Beed) जिल्हा मराठा (Maratha) आणि ओबीसी (OBC) आरक्षणाच्या वादामुळे पुन्हा एकदा पेटला आहे. मराठा समन्वयक गंगाधर काळकुटे (Gangadhar Kalkute) यांनी 1994 चा जीआर जाळल्यानंतर मंत्री छगन भुजबळ (Chhagan Bhujbal) आणि लक्ष्मण हाके (Laxman Hake) यांनी ओबीसी महाएल्गार सभेतून जोरदार प्रत्युत्तर दिले आहे. 'उडवाच मान माझी माझा नकार नाही, इतकीच शर्त आहे मी वाकणार नाही', अशा शब्दात छगन भुजबळ यांनी आव्हान देणाऱ्यांना खडे बोल सुनावले आहे. काळकुटे यांनी भुजबळांनी मंत्रीपदाचा राजीनामा देऊनच बीडमध्ये यावे असे आव्हान दिले होते, ज्यावर भुजबळ यांनी, काळकुटेंसारखे भरपूर बघितले असे म्हणते टीका केली आहे.
तर 'बीड जिल्हा काय यांच्या बापाची जाहंगिरी आहे का?' असा संतप्त सवाल करत ओबीसी नेते लक्ष्मण हाके यांनी पुन्हा डिवचल्याचं पाहायला मिळाला. ही केवळ राजकीय लढाई नसून सामाजिक न्यायाची लढाई आहे आणि ती रस्त्यावर तसेच कोर्टातही लढली जाईल, असे दोन्ही नेत्यांनी स्पष्ट केले आहे.
Chhagan Bhujbal : 'उडवाच मान माझी माझा नकार नाही, इतकीच शर्त आहे मी वाकणार नाही'
मराठा आरक्षणाच्या अनुषंगाने राज्य सरकारने काढलेला जीआर रद्द करावा, या प्रमुख मागणीसाठी काल (17ऑक्टॉबर ) बीडमध्ये महाएल्गार सभेचे (OBC Mahaelgar Sabha) आयोजन करण्यात आलं होतं. या सभेला राज्याचे अन्न आणि नागरी पुरवठा मंत्री छगन भुजबळ (Chhagan Bhujbal) यांच्या प्रमुख उपस्थित शहरातील छत्रपती संभाजी महाराज क्रीडांगणावर हि सभा पार पडली. या महाएल्गार सभेच्या (Beed OBC Morcha) मंत्री छगन भुजबळ यांच्या उपस्थितीला मराठा समन्वयक गंगाधर काळकुटे (Gangadhar Kalkute) यांच्यासह इतर समन्वयकानी कडाडून विरोध केला होता. तसेच सभेपूर्वीच मराठा विरुद्ध ओबीसी हा संघर्ष निर्माण झाल्याचे बघून समन्वयकांना पोलिसांकडून नोटीस बजावण्यात आल्या होत्या. तर मंत्री छगन भुजबळ यांनी आपल्या मंत्रिपदाचा राजीनामा देऊनच बीडमध्ये यावं, असा आक्रमक पवित्रा मराठा समाजाने घेतला. त्यावर या सभेत बोलताना मंत्री छगन भुजबळ यांनी जोरदार प्रत्युत्तर दिलंय.
Gangadhar Kalkute on Chhagan Bhujbal : भुजबळ यांच्या बुद्धीची कीव येते
मंत्री भुजबळ यांच्या बुद्धीची कीव येते. अतिशय खालच्या पातळीत माझ्यासारख्या सामान्य कार्यकर्त्याला वर्णभेदावरून बोलणं शोभत नसल्याचे काळकुटे म्हणाले. वयाप्रमाणे त्यांची बुद्धी भ्रष्ट झाली आहे, त्यामुलं त्यांचे वर्तन असे होत आहे. केवळ मनोज जरांगे पाटील आणि मला शिव्या देण्याचा कार्यक्रम होता असे गंगाधर काळकुटे म्हणाले. हा ओबीसी समाजाचा मेळावा नव्हता. फक्त शिव्या देण्याचा कार्यक्रम होता, त्यात ते यशस्वी झाले. त्यांची संस्कृती आज सर्वांनी पाहिली. मंत्री पदाचे लाभ घ्यायचे. पण मराठा ओबीसी असा वाद लावायचा. तुम्ही विरोध केला आम्ही देखील विरोध करणार मात्र लोकशाही मार्गाने असेल असेही काळकुटे म्हणाले.
महत्वाच्या बातम्या:
महत्त्वाच्या बातम्या
