Best Range Electric Scooters : सर्वाधिक रेंज देणाऱ्या इलेक्ट्रिक स्कूटरच्या शोधात आहात? मग, 'या' मॉडेल्सचा नक्की विचार करा

Long Range Electric Scooters : जर तुम्हीही लांब पल्ल्याची इलेक्ट्रिक स्कूटर शोधत असाल तर आम्ही तुम्हाला अशा तीन स्कूटरबद्दल सांगणार आहोत जे तुमच्यासाठी एक चांगला पर्याय असू शकतात.

Long Range Electric Scooters

Long Range Electric Scooters : देशात इलेक्ट्रिक स्कूटरची (Electric Scooters) संख्या मोठ्या प्रमाणात वाढत चालली आहे. या इलेक्ट्रिक स्कूटर दिसायला आकर्षक असतातच पण किंमतीने देखील किफायतशीर असतात. तसेच, सर्वात महत्वाचं म्हणजे इंधनाचा खर्च वाचतो. त्यामुळे ग्राहकांचा कल या स्कूटरकडे वाढत चालला आहे. मात्र, जर तुम्ही लांब रेंजची इलेक्ट्रिक स्कूटर शोधत असाल तर आज आम्ही तुम्हाला अशाच काही इलेक्ट्रिक स्कूटर्सची माहिती देणार आहोत ज्या तुम्ही खरेदी करू शकता. 

ओला S1 (Ola S1) :

ओलाची ही इलेक्ट्रिक स्कूटर उत्तम पॉवर, उत्तम फिचर्स आणि लांब रेंजसह येते. ही स्कूटर 3 मॉडेलमध्ये उपलब्ध आहे. ज्याची एक्स-शोरूम किंमत 79,999 ते 1.40 लाख रुपये आहे. S1 प्रकारात 4kwH क्षमतेचा लिथियम-आयन बॅटरी पॅक आहे, जो 8500W IPM इलेक्ट्रिक मोटरशी जोडलेला आहे. या स्कूटरच्या टॉप मॉडेलला 181 किलोमीटरची रेंज मिळते, तर त्याच्या खालच्या प्रकारात 101 किलोमीटरची रेंज मिळते. त्यामुळे ही इलेक्ट्रिक स्कूटर देखील तुमच्यासाठी चांगला पर्याय आहे. 

Ather 450X :

Ather 450X इलेक्ट्रिक दोन मॉडेलमध्ये बाजारात उपलब्ध आहे. स्कूटरला 3.7 kWh क्षमतेचा लिथियम-आयन बॅटरी पॅक मिळतो, जो 6200 W च्या शक्तिशाली इलेक्ट्रिक मोटरशी जोडलेला आहे. स्लीक डिझाईन आणि लांब पल्ल्याची स्कूटर अतिशय आकर्षक दिसते. ही स्कूटर साडेचार तासांत पूर्ण चार्ज होते. या स्कूटरची रेंज 146 किमी आहे, आणि ती ताशी 80 किमी वेगाने धावू शकते. ही इलेक्ट्रिक स्कूटर दिल्लीच्या एक्स-शोरूमनुसार 1.17 लाख ते 1.39 लाख रुपयांच्या किमतीत उपलब्ध आहे. जास्त रेंज देणारी ही बाईक देखील तुम्ही खरेदी करू शकता. 

Simple One : 

सिंपल वन इलेक्ट्रिक स्कूटर सिंगल बॅटरी पॅक आणि डबल बॅटरी पॅक अशा दोन प्रकारांमध्ये बाजारात येते. ही इलेक्ट्रिक स्कूटर 236 किमीच्या सर्वोच्च श्रेणीसह येते. या स्कूटरला 8500 W ची पॉवरफुल इलेक्ट्रिक मोटर मिळते, जी 4.8 kWh क्षमतेच्या लिथियम-आयन बॅटरी पॅकसह जोडलेली आहे. ही स्कूटर जास्तीत जास्त 105 किमी प्रतितास वेगाने धावू शकते. या स्कूटरची एक्स-शोरूम किंमत 1.10 लाख रुपये आहे, तर त्याचे टॉप मॉडेल 1.45 लाख रुपये आहे.

महत्वाच्या बातम्या :