Upcoming Skoda EV : स्कोडाची नवीन इलेक्ट्रिक एसयूव्ही Nexon ईव्हीशी स्पर्धा करण्यासाठी सज्ज; किंमत 20 लाखांपेक्षाही कमी असण्याची शक्यता

Skoda Electric SUV : लॉन्च झाल्यानंतर, स्कोडाची नवीन इलेक्ट्रिक SUV थेट Tata Nexon.EV आणि Mahindra XUV400 शी स्पर्धा करणार आहे.

Skoda Electric SUV (Image Source :Somnath Chatterjee )

Skoda Electric SUV : दिग्गज कार निर्माता कंपनी स्कोडा ही आपल्या ग्राहकांसाठी नवीन अपडेट घेऊन येत असते. यामध्ये इलेक्ट्रिक वाहनांचाही (Electric Vehicle) समावेश करण्यात आला आहे. या ईव्ही कार भारतात परवडतील अशा रेंजच्या आहेत. अशातच आत कार निर्माता कंपनी स्कोडानेही (Skoda) भारतीय बाजारपेठेसाठी परवडणारी इलेक्ट्रिक कार बनवण्याची योजना आखली आहे. स्कोडाची ही इलेक्ट्रिक कार परदेशात देखील निर्यात करण्याच्या तयारीची शक्यता आहे. या कारचा आकार कसा असेल? आणि कारची किंमत नेमकी किती असेल याबाबत अद्याप फारशी माहिती देण्यात आलेली नाही. पण, ही नवीन स्कोडाची कार कुशकवर आधारित असण्याची शक्यता आहे आणि तिची किंमत 20 लाख रुपयांपेक्षा कमी असेल असे सांगण्यात आले आहे. 

प्लॅटफॉर्म आणि साईझ

स्कोडा तिच्या आगामी इलेक्ट्रिक मॉडेलमध्ये जागतिक MEB प्लॅटफॉर्म वापरू शकते आणि ते आमच्या बाजारपेठेसाठी स्थानिकीकृत केले जाऊ शकते. हे फ्रंट व्हील ड्राइव्ह प्लॅटफॉर्म वापरून तयार केले जाण्याची शक्यता आहे. महिंद्राचीही यात भूमिका असू शकते, कारण महिंद्राचा आधीच स्कोडा मूळ कंपनी फोक्सवॅगनशी त्याच्या INGLO इलेक्ट्रिक प्लॅटफॉर्मसाठी MEB घटकांचा स्रोत करण्यासाठी करार आहे. तसेच, आगामी ईव्हीसाठी कुशक हा आधार असेल की नाही हे अद्याप स्पष्ट झालेले नाही, परंतु ही एक छोटी सब-4 मीटर एसयूव्ही असू शकते जी भारतीय बाजारपेठेत आणण्याची देखील योजना आहे. .

कधी होणार लॉन्च?

या नवीन इलेक्ट्रिक कारसाठी कोणतीही लॉन्च टाईमलाईन सेट केलेली नाही. पण, ही नवीन परवडणारी ईव्ही येत्या दोन ते तीन वर्षांत भारतात येईल. मात्र, त्याआधी या मॉडेलचे ICE व्हर्जन बाजारात दाखल होण्याची शक्यता आहे.

कोणाशी स्पर्धा होणार?

लॉन्च झाल्यानंतर, स्कोडाची नवीन इलेक्ट्रिक SUV थेट Tata Nexon.EV आणि Mahindra XUV400 शी स्पर्धा करणार आहे. Nexon EV ची रेंज प्रति चार्ज 465 किमी पर्यंत आहे आणि अलीकडेच Tata Motors ने देखील त्याची किंमत 1.2 लाख रुपयांनी कमी केली आहे.

महत्त्वाच्या बातम्या :