Diwali 2022: दिवाळी बंपर ऑफर! Hyundai Kona Electric Car वर मिळत आहे तब्बल 1 लाखांचा डिस्काउंट, 452 किमीची देते रेंज
Diwali 2022: Special offers and Discount sale: अवघ्या पाच दिवसांवर दिवाळी येऊन ठेपली आहे. अशातच कार निर्माते त्यांच्या वाहनांची जास्तीत जास्त विक्री करण्यासाठी सूट देत आहेत.
Diwali 2022: Special offers and Discount sale: अवघ्या पाच दिवसांवर दिवाळी येऊन ठेपली आहे. अशातच कार निर्माते त्यांच्या वाहनांची जास्तीत जास्त विक्री करण्यासाठी सूट देत आहेत. या दिवाळीत तुम्हालाही तुमच्या घरी नवीन कार आणायची असेल तर Hyundai Kona इलेक्ट्रिक कार हा एक चांगला पर्याय ठरू शकतो. ही कार दिसायला फक्त स्मार्ट नसून याची रेंजही जबरदस्त आहे. चला तर जाणून घेऊ या कारवार काय मिळत आहे ऑफर आणि किती आहे याची किंमत.
ही इलेक्ट्रिक एसयूव्ही कार Hyundai च्या इलेक्ट्रिक सेगमेंटमधील पहिली कार आहे. कंपनीने ही कार मोठ्या उत्साहात बाजारात आणली होती, गेल्या वर्षीच्या तुलनेत यंदा या कारच्या विक्रीत चांगली वाढ झाली आहे.
पॉवर आणि रेंज
Hyundai ची ही इलेक्ट्रिक SUV कार प्रीमियम आणि ड्युअल टोन या दोन प्रकारांमध्ये उपलब्ध आहे. तसेच या पाच सीटर इलेक्ट्रिक SUV ची किंमत अनुक्रमे 23.84 लाख रुपये आणि 24.03 लाख रुपये (एक्स-शोरूम, दिल्ली) आहे. कंपनीने या कारमध्ये 39.2 kWh क्षमतेचा बॅटरी पॅक वापरला आहे. या कारची इलेक्ट्रिक मोटर 136 PS ची पॉवर आणि 395 Nm चा पीक-टॉर्क जनरेट करते. कंपनीचा दावा आहे की, ही कार एका चार्जमध्ये 452 किमीपर्यंत धावू शकते. याशिवाय ही कार केवळ 9.7 सेकंदात 0 ते 100 किमी प्रतितास वेग पकडू शकते.
ही कार चार्ज करण्यासाठी तुम्हाला तीन चार्जिंग पर्याय मिळतात. ज्यामध्ये - 2.8 kW पोर्टेबल चार्जर जे कार 19 तासांत चार्ज करू शकते. 7.2 kW वॉल-बॉक्स चार्जर जे कार 6 तास 10 मिनिटांत चार्ज करू शकते आणि 50kW फास्ट चार्जर ही कार फक्त 57 मिनिटांत 0-80 टक्के चार्ज करू शकते. या कारमध्ये तुम्हाला Eco, Eco+, Comfort, Sport असे ड्रायव्हिंग मोड मिळतील. तसेच या कारमध्ये ब्रेकिंग कंट्रोल रिजनरेट करण्यासाठी स्टिअरिंग व्हीलच्या मागे पॅडल देण्यात आले आहे.
फीचर्स आणि ऑफर
या कारच्या वैशिष्ट्यांबद्दल बोलायचे झाल्यास, या कारमध्ये तुम्हाला 7-इंच टचस्क्रीन इन्फोटेनमेंट सिस्टम, वायरलेस फोन चार्जिंग, एक सनरूफ, मागील व्हेंटसह ऑटो एसी, क्रूझ कंट्रोल आणि लंबर सपोर्टसह 10-वे पॉवर-लाइन मिळते. कंपनीने यात अॅडजस्टेबल ड्रायव्हर सीटचा पर्यायही दिला आहे. कारला 6 एअरबॅग्ज, electronic stability control (ESC), हिल असिस्ट कंट्रोल, ऑल-व्हील डिस्क ब्रेक्स, ISOFIX चाइल्ड सीट अँकरेज, एक मागील कॅमेरा आणि टायर प्रेशर मॉनिटरिंग सिस्टम (TPMS) सुरक्षेवर विशेष लक्ष केंद्रित करते. यासोबतच कंपनी या महिन्यात या कारवर 1,00,000 रुपयांपर्यंत सूटही देत आहे.
महत्त्वाच्या बातम्या
ट्रेंडिंग न्यूज
