Scott Morrison : भारतासोबतच्या नव्या व्यापार कराराचा आनंद! ऑस्ट्रेलियाच्या पंतप्रधानांनी बनवली नरेंद्र मोदींची आवडती खिचडी!
ऑस्ट्रेलियाचे पंतप्रधान स्कॉट मॉरिसन यांनी शनिवारी इंस्टाग्रामवर एक फोटो पोस्ट केला, ज्यामध्ये ते त्यांचे मित्र आणि भारताचे पंतप्रधान नरेंद्र मोदी यांची आवडती डिश खिचडी बनवताना दिसत आहेत.
Scott Morrison : भारतासोबत नवीन व्यापार करार साजरा करण्यासाठी, ऑस्ट्रेलियाचे पंतप्रधान स्कॉट मॉरिसन (Scott Morrison) यांनी शनिवारी इंस्टाग्रामवर एक फोटो पोस्ट केला, ज्यामध्ये ते त्यांचे मित्र आणि भारताचे पंतप्रधान नरेंद्र मोदी (Narendra Modi) यांची आवडती डिश खिचडी बनवताना दिसत आहेत.
कॅनबेरा, कपडे, चामडे, दागिने आणि क्रीडा संबंधित उत्पादने यांसारख्या बाजारपेठांमध्ये 95 टक्क्यांहून अधिक भारतीय वस्तूंचा करमुक्त प्रवेश सुनिश्चित करण्यासाठी भारत आणि ऑस्ट्रेलियाने 2 एप्रिल रोजी आर्थिक सहकार्य आणि व्यापार करारावर स्वाक्षरी केली. मॉरिसन यांनी शनिवारी त्यांच्या अधिकृत इंस्टाग्राम अकाउंटवर लिहिले की, ‘भारताशी आमचा नवीन व्यापार करार साजरा करण्यासाठी मी आज रात्री जे जेवण बनवणार आहे, ते माझे प्रिय मित्र पंतप्रधान नरेंद्र मोदी यांच्या गुजरात प्रांतातील आहे. यामध्ये त्यांच्या आवडत्या खिचडीचा समावेश आहे.’
पाहा पोस्ट :
आपल्या कुटुंबाचा संदर्भ देत ते म्हणाले की, ‘जेन, मुली आणि आई या सर्व गोष्टींमुळे खूप आनंदी आहेत.’ या पोस्टला आतापर्यंत 11 हजारांहून अधिक लाईक्स आणि 800 कमेंट्स मिळाल्या आहेत. पंतप्रधान नरेंद्र मोदी यांनी अनेक मुलाखतींमध्ये त्यांची खिचडीची आवड व्यक्त केली आहे.
ऑस्ट्रेलियाचे पंतप्रधान शाकाहारी!
अनेक मुलाखतींमध्ये, पंतप्रधान मोदींनी खिचडी, तांदूळ, डाळ, भाज्या आणि तुपापासून बनवलेल्या पारंपारिक भारतीय डिशबद्दल त्यांचे प्रेम व्यक्त केले आहे आणि मॉरिसन म्हणाले की, त्यांना खिचडी बनवायला आवडते. मॉरिसन यांनी आपल्या पाककौशल्याने सोशल मीडियावर धुमाकूळ घालण्याची ही पहिलीच वेळ नाही. मे 2020 मध्ये, मॉरिसन यांनी ट्विटरवर एक फोटो पोस्ट केला, ज्यामध्ये त्यांनी समोसाचा ट्रे हातात धरला होता. याविषयी सांगताना त्यांनी लिहिले की, ‘मी शाकाहारी आहे आणि मला हे पदार्थ नरेंद्रमोदींसोबत शेअर करायला आवडले असते. संडे सामोसा विथ कैरी चटणी, चटणी!’ ऑस्ट्रेलियाच्या पंतप्रधानांनी ट्विटरवर हे शेअर केले आहे.
महत्त्वाच्या इतर बातम्या :
- Pakistan New PM : इम्रान खाननंतर 'हे' होणार पाकिस्तानचे पुढचे पंतप्रधान, सोमवारी होणार अधिकृत घोषणा
- Pakistan Political Crisis: अविश्वास प्रस्ताव मंजूर, पाकिस्तानातील ‘इम्रान’ सत्तेचा अंत!
- Russia Ukraine War : बुचा नरसंहाराचं धक्कादायक वास्तव, चर्चजवळील सामूहिक कबरीत सापडले 67 मृतदेह
Before You Go
Analogue paneer Special Report : महाराष्ट्रात ॲनालॉग पनीरवर वर्षभराची बंदी, तुकाराम मुंढेंचा तडाखा
महत्त्वाच्या बातम्या
