Aurangabad: आवक वाढताच मोसंबीचे दर कोसळले; आठवडाभरातच 23 हजारांहून 12 हजारांवर
Aurangabad: मोसंबी उत्पादक शेतकऱ्यांना एका टनामागे तब्बल दहा हजार रुपये आर्थिक नुकसान सोसावे लागत आहे.
Aurangabad News: एकीकडे पावसामुळे मोसंबीला गळती लागली असतानाच दुसरीकडे बाजारात मोसंबीचे दर मोठ्याप्रमाणावर पडले आहे. औरंगाबादच्या पाचोड येथील मोसंबी मार्केटमध्ये आवक वाढताच मोसंबीच्या दरात घसरण झाली आहे. आठवड्याभरात मोसंबीचे दर 23 हजारांहून 12 हजारांवर आल्याने शेतकऱ्यांना मोठा फटका बसला आहे. त्यामुळे मोसंबी उत्पादक शेतकऱ्यांना एका टनामागे तब्बल दहा हजार रुपये आर्थिक नुकसान सोसावे लागत आहे.
गेल्या काही वर्षात पाचोड येथील मोसंबी मार्केटमध्ये वाढती आवक पाहता, राज्यभरातील प्रमुख बाजारांपैकी एक महत्वाची बाजार म्हणून या मार्केटकडे पहिले जात आहे. पाचोडच्या गोड व रसवंत मोसंबीला दिल्ली, उत्तरप्रदेश, मध्यप्रदेश, जयपूर, कानपूर, हैद्राबाद, कर्नाटक, कलकत्ता, मुंबई, पुणेसह परदेशात देखील मोठ्या प्रमाणात मागणी असते. त्यामुळे येथील मोसंबी खरेदीला परराज्यातील व्यापारी ठाण मांडून असतात. तर औरंगाबाद, जालना, बीडसह इतर जिल्ह्यातील शेतकरी या बाजारात माल विकण्यासाठी प्राधान्य देतात.
आणि भाव कोसळला...
कोरोना आणि अतिवृष्टीचा मोठा फटका मोसंबी उत्पादक शेतकऱ्यांना गेल्या तीन वर्षांपासून सतत सहन करावा लागत होता. मात्र यावर्षी फळबागांना चांगला माल बहरला होता, तर मार्केटमध्ये सुद्धा चांगला भाव मिळत होता. त्यामुळे पाचोडच्या मार्केटमध्ये मोठी आवक पाहायला मिळाली. गेल्या आठवड्यात तब्बल 23 हजाराचा भाव मिळाला होता. मात्र आवक मोठ्याप्रमाणावर वाढल्याने हे दर शुक्रवारी अचानक कोसळले. त्यामुळे मोसंबीचे दर 23 हजारांहूनथेट 12 हजारांवर आल्याचे पाहायला मिळाले.
व्यापारीही खातोय भाव...
यावेळी मोसंबीचे उत्पादन मोठ्याप्रमाणावर झाले आहे. त्यामुळे बाग विक्रीची मागणी वाढली आहे. याचाच फायदा व्यापारी घेतांना पाहायला मिळत आहे. बाग खरेदी करतांना व्यापारी मागेपुढे करत असून, दर तोडून मागत आहे. मोठी आवक वाढल्याने दर कोसळले आहे. त्यामुळे ज्याप्रमाणे उस उत्पादक शेतकऱ्यांची परिस्थिती झाली तशीच अस्वस्था मोसंबी उत्पादकांची शक्यता आहे.
महत्वाच्या बातम्या...
महत्त्वाच्या बातम्या
ट्रेंडिंग न्यूज
