Today Aurangabad News Update: औरंगाबाद जिल्ह्यात आज 14 डिसेंबर रोजी दिवसभरात घडणाऱ्या महत्वाच्या घडामोडीचा आढावा आपण घेणार आहोत. वाळूज भागात झालेला गोळीबार, राष्ट्रवादीच्या माजी आमदाराचा ठाकरे गटात झालेला प्रवेश यासह आणखी काही महत्वाच्या बातम्या पाहा थोडक्यात... 



  • वाळूजला गोळीबार... 


औरंगाबाद-अहमदनगर (Aurangabad-Ahmednagar) महामार्गावर हिवाळी कपडे विक्री करण्यासाठी रस्त्याच्या कडेला दुकान थाटणाऱ्या व्यापाऱ्याच्या दिशेने गोळीबार करण्यात आल्याची घटना समोर आली आहे. मंगळवारी रात्री 11: 35 वाजेच्या सुमारास या व्यापाऱ्यांना धमकावत गावठी कट्ट्यातून त्याच्या दिशेने गोळीबार करण्यात आला आहे. ही घटना वाळूज परिसरातील अब्बास पेट्रोल पंपाजवळ घडली. मात्र सुदैवाने यात कोणीही जखमी झाले नाही.याबाबत माहिती मिळताच औरंगाबाद शहर पोलिसांनी घटनास्थळी धाव घेतली. तर पाच संशयीतांना ताब्यात घेण्यात आले असून, पोलिसांकडून तपास सुरु आहे. 


सविस्तर बातमी वाचण्यासाठी क्लिक करा: औरंगाबादमध्ये कपडे विक्री करण्यासाठी रस्त्याच्या कडेला बसलेल्या व्यापाऱ्याच्या दिशेने गोळीबार



  • रिक्षाचालक करायचा शाळकरी मुलींशी अश्लील चाळे...


स्कूलबस शाळेच्या मागे उभी करून चालक चहा पिण्याच्या बहाण्याने बस सोडून जायचा आणि त्याचवेळी एक रिक्षाचालक (Rickshaw Driver) स्कूलबसमध्ये (School Bus) घुसायचा घुसून आठ व नऊ वर्षीय तीन शाळकरी मुलींशी अश्लील चाळे करत असल्याचा प्रकार समोर आला आहे. घाबरलेल्या मुलींनी पालकांना घडलेला प्रकार सांगितला. त्यानंतर पालकांनी शाळेत सापळा रचून अश्लील चाळे करणाऱ्या रिक्षाचालकाला रंगेहात पकडले. त्यानंतर याप्रकरणी पोलिसात गुन्हा दाखल करण्यात आला आहे. 


सविस्तर बातमी वाचण्यासाठी क्लिक करा: संतापजनक! स्कूलबसमध्ये घुसून रिक्षाचालक करायचा शाळकरी मुलींशी अश्लील चाळे, पालकांनी सापळा लावून दिला चोप



  • औरंगाबादेत 67 हजार अनधिकृत नळ कनेक्शन...


शहरातील अनधिकृत नळ कनेक्शन शोधण्यासाठी औरंगाबाद महानगरपालिकेकडून (Aurangabad Municipal Corporation) सर्वेक्षणाचे काम सुरू आहे. ज्यात आतापर्यंत या सर्वेक्षणात शहरात तब्बल 67 हजार अनधिकृत नळ कनेक्शन आढळून आले आहेत. एवढ्या मोठ्याप्रमाणावर अनधिकृत नळ कनेक्शन समोर आल्याने खळबळ उडाली आहे.


सविस्तर बातमी वाचण्यासाठी क्लिक करा: अबब ! औरंगाबादेत 67 हजार अनधिकृत नळ कनेक्शन, महापालिकेच्या सर्वेक्षणातून आली माहिती समोर



  • माजी आमदार भाऊसाहेब चिकटगावकर शिवसेनेत


वैजापूर तालुक्याचे राष्ट्रवादीचे माजी आमदार भाऊसाहेब चिकटगावकर (Bhausaheb Chikatgaonkar) यांनी अखेर ठाकरे गटात प्रवेश केला आहे. चिकटगावकर यांचा आज उद्धव ठाकरेंच्या उपस्थितीत मातोश्रीवर शिवसेनेत प्रवेश झाला आहे. गेल्या काही दिवसांपासून चिकटगावकर पक्षात नाराज होते आणि याबाबत त्यांनी पत्रकार परिषद घेऊन उघडपणे खुलासा देखील केला होता.


सविस्तर बातमी वाचण्यासाठी क्लिक करा: ठाकरे गटाचा राष्ट्रवादीला 'दे धक्का', घड्याळ सोडून 'हा' माजी आमदार घेणार हाती मशाल



  • थेट समृद्धी महामार्गावर केली फायरिंग


समृद्धी महामार्गावर उभा राहून बंदुकीतून फायरिंग करतानाचा एका तरुणाचा व्हिडिओ (Video) समोर आल्याने खळबळ उडाली आहे. औरंगाबादजवळ असलेल्या सम्रुद्धी महामार्गावरील बोगद्या समोर उभं राहून एका तरुणाने बंदुकीतून फायरिंग केल्याचा हा व्हिडिओ  आहे. तर याप्रकरणी पोलिसांनी गुन्हा दाखल केला असून, आरोपीचा शोध घेतला जात आहे. बाळु गायकवाड असे या आरोपीचे नाव आहे. 


सविस्तर बातमी वाचण्यासाठी क्लिक करा: Video: 'रॉकी भाईची हवा...' थेट समृद्धी महामार्गावर केली फायरिंग, व्हिडिओ व्हायरल