Shirdi: शिर्डी महामहिम राष्ट्रपती द्रौपदी मुर्मू साई दरबारी, प्रसादालयात घेतला भोजनाचा आस्वाद

राष्ट्रपती द्रौपदी मुर्मू यांचे साईबाबा मंदिरात आगमन झाल्यावर प्रथम त्यांनी ‘द्वारकामाई’ चे दर्शन घेतले. त्यानंतर साई समाधी मंदिराचे दर्शन घेत पाद्यपूजा व आरती केली.

Shirdi Saibaba

शिर्डी : देशाच्या महामहीम राष्ट्रपती द्रौपदी मुर्मू यांनी शुक्रवाारी साईबाबांच्या समाधीचे दर्शन घेतले. राष्ट्रपती द्रौपदी मुर्मू या साईबाबांच्या समाधीचे दर्शन घेणाऱ्या देशाच्या सहाव्या राष्ट्रपती ठरल्या आहेत. शुक्रवारी जवळपास तीन तास त्या शिर्डीत होत्या यावेळी त्यांनी साई समाजाच्या दर्शन घेत प्रसादालयात महाराष्ट्रीयन पद्धतीच्या भोजनाचा सुद्धा आस्वाद घेतला. 

राष्ट्रपती द्रौपदी मुर्मू यांचे शुक्रवारी दुपारी 1 वाजता शिर्डी विमानतळावर आगमन झाले. महाराष्ट्राचे राज्यपाल रमेश बैस, महसूल, पशुसंवर्धन, दूग्ध व्यवसाय विकास मंत्री तथा जिल्ह्याचे पालकमंत्री राधाकृष्ण विखे-पाटील, खासदार सदाशिवराव लोखंडे यांनी त्यांचे स्वागत केले. यावेळी नाशिक विभागीय आयुक्त राधाकृष्ण गमे यांनी त्यांचं विमानतळावर स्वागत केले. राष्ट्रपती द्रौपदी मुर्मू यांचे साईबाबा मंदिरात आगमन झाल्यावर प्रथम त्यांनी ‘द्वारकामाई’ चे दर्शन घेतले. त्यानंतर साई समाधी मंदिराचे दर्शन घेत पाद्यपूजा व आरती केली. समाधी मंदिर दर्शनानंतर गुरूस्थान मंदीर येथील निंबवृक्षास प्रदक्षिणा मारली. साईबाबांच्या पावन स्पर्शाने पुनीत झालेल्या वस्तू ठेवण्यात आलेल्या वस्तुसंग्रहालयात राष्ट्रपती द्रौपदी मुर्मू यांनी भेट दिली. श्री साईबाबा संस्थानचे मुख्य कार्यकारी अधिकारी पी.सिवाशंकर यांनी त्यांना वस्तुसंग्रहालयातील वस्तू आणि प्रतिमांविषयी माहिती दिली. 

साईबाबा मंदीर दर्शन झाल्यानंतर राष्ट्रपतींच्या सुरक्षा वाहनांचा ताफा प्रसादालयाकडे मार्गक्रमण करत असतांना गेट नंबर 5 समोर  राष्ट्रपती द्रौपदी मुर्मू यांनी ताफ्यातील गाड्या थांबवत गाडीतून खाली उतरत काही पावले चालत जाऊन सर्वसामान्य भाविकांच्या शुभेच्छांचा स्वीकार केला. राष्ट्रपतींच्या या साधेपणाचे भाविकांना कौतुक वाटले. साईबाबा मंदीर दर्शन झाल्यानंतर श्री साईबाबा प्रसादालयात राष्ट्रपतींनी प्रसादाचा आस्वाद घेतला. 

महामहीम राष्ट्रपती द्रोपदी मुर्मू यांनी महाराष्ट्रीयन पदार्थांचा आस्वद

मेथी , मटकी , आलु जीरा ( सेंद्रीय ) , चपाती , साध वरण - भात , गावरान तुपाचा शिरा , बटाटा वडापाव , सलाड ,पापड आणि चटणी

दरम्यान राष्ट्रपती यांच्या आगमनानंतर तब्बल दोन तासाहून अधिक वेळ सर्वसामान्य भक्तांसाठी दर्शन रांग बंद करण्यात आली होती