LIVE BLOG : राष्ट्रवादीची दुसरी उमेदवारी यादी जाहीर, मावळमधून पार्थ पवार मैदानात

Background

देशभरातील महत्त्वाच्या आणि ताज्या घडामोडींचा संक्षिप्त आढावा

1. मुंबई सीएसएमटीलगतचा पूल कोसळला, 6 जणांचा मृत्यू तर 31 जखमी, मृतांचा आकडा वाढण्याची भीती

2. पूल दुर्घटनेत जीटी रुग्णालयातील 3 परिचारिकांचा मृत्यू, वडिलांसोबत गेलेल्या झायेद खानवरही काळाचा घाला, रेड सिग्नल सुरु असल्यानं मोठा अनर्थ टळला

3. ऑडिटदरम्यान पुलाची किरकोळ दुरुस्ती सुचवण्यात आल्याची तावडेंची माहिती, मुख्यमंत्र्यांकडून चौकशीचे आदेश, मृतांच्या नातेवाईकांना 5 लाखांची मदत

4. कोसळलेला पूल मुंबई महापालिकेचाच असल्याची अधिकाऱ्यांची कबुली, रेल्वेसह मुंबई महापालिकेच्या अधिकाऱ्यांवर सदोष मनुष्यवधाचा गुन्हा नोंद

5. अर्जुन खोतकरांबद्दल दोन दिवसात गूड न्यूज, अर्जुन खोतकरांच्या भेटीनंतर अब्दुल सत्तार यांचा गौप्यस्फोट, दानवेंच्या अडचणीत वाढ होण्याची चिन्ह

6. क्रिकेटर मोहम्मद शमीविरोधात हुंडा आणि लैंगिक छळाचा गुन्हा दाखल, पत्नीच्या तक्रारीनंतर कारवाई, मोहम्मद शमीच्या अडचणीत वाढ

23:42 PM (IST)  •  15 Mar 2019

गडचिरोली : गडचिरोली-चिमूर लोकसभा क्षेत्राचे काँग्रेस उमेदवार डॉ. नामदेव उसेंडी यांचं कार्यकर्त्यांनी जोरदार स्वागत केलं. उमेदवारी जाहीर झाल्यानंतर त्यांचं आज रात्री 8 वाजता शहरातआगमन होताच कार्यकर्त्यांनी ढोल-ताशांच्या गजरात आणि फटाक्यांच्या आतषबाजीत स्वागत करीत मुख्य मार्गानं मिरवणूक काढली.

23:15 PM (IST)  •  15 Mar 2019

मुंबई : परेल येथील बेस्ट कॉलनीतील इमारतीत आग फायर ब्रिगेडच्या 4 गाड्या घटनास्थळी

23:04 PM (IST)  •  15 Mar 2019

मालेगाव : निवडणुकीच्या पार्श्वभूमीवर मालेगाव मध्ये पोलिसांनी अवैध हत्यार, गुन्हेगारांविरोधात जोरदार मोहिम घडली असून स्थानिक गुन्हे शाखेच्या पथकाने कोम्बिंग ऑपरेशन राबवत जुना आग्रारोड परिसरात छापा टाकून शस्त्राचा साठा जप्त करत तिघांना अटक केली.

22:19 PM (IST)  •  15 Mar 2019

ऐनवेळी नाट्यमयरित्या राष्ट्रवादी काँग्रेसचे तिकीट अमरसिंह पंडित ऐवजी बजरंग सोनवणे यांना जाहीर झाल्याने आणि गेवराई मतदारसंघातील राष्ट्रवादीच्या कार्यकर्त्यांसह जिल्ह्यातील राष्ट्रवादीच्या कार्यकर्त्यांतून संताप व्यक्त केला आहे. तिकीट वाटपावरून अमरसिंह पंडित यांना डावलल्याची भावना राष्ट्रवादीच्या कार्यकर्त्यांत आहे. आपल्याला चटके देणारे काही दिवे तेच असतात ज्यांना आपण वाऱ्यामुळे विझताना वाचलेलं असतं असं म्हणून विजयसिंह पंडित यांनी आपला रोख धनंजय मुंडे यांच्याकडे वळवला आहे,अशी चर्चा आहे.

22:00 PM (IST)  •  15 Mar 2019

लोकसभा निवडणुकांच्या अनुषंगाने पिंपरी चिंचवड पोलिसांनी ही कारवाईचा धडाका सुरू केलाय. मध्यरात्री तपासणी मोहीम करत पोलिसांनी 66 गुन्हेगारांना ताब्यात घेतलं. गुरुवार आणि शुक्रवारच्या मध्यरात्री एक वाजता पोलिसांनी ही मोहीम राबवली. 7 पोलीस निरीक्षक, 20 सहाय्यक पोलीस निरीक्षक-पोलीस उपनिरीक्षक आणि 170 पोलीस कर्मचाऱ्यांचे पथक या मोहिमेत सहभागी झाले होते. एकाच वेळी शहरातील मोहननगर, यशवंतनगर, रामनगर, दत्तनगर, फुलेनगर, शंकरनगर, विद्यानगर सह आसपासचा परिसर पिंजून काढला गेला. पहाटे सहा पर्यंत सुरू असलेल्या तपासणी मोहिमेत, 173 पैकी 66 आरोपींच्या पोलिसांनी मुसक्या आवळल्या.