World Music Day 2022 : या जगात क्वचितच कोणी असेल कोणी असेल ज्यांना संगीताची आवड नसेल. लहानांपासून ते अगदी वृद्धांपर्यंच सारेच संगीताचे शौकीन असतात. संगीत एक अशी गोष्ट आहे जी लोकांच्या हृदयावर आणि मनावर खोलवर परिणाम करते. याच निमित्ताने संगीत क्षेत्रातील अमूल्य योगदानाबद्दल जगभरातील गायक आणि संगीतकारांचा सन्मान करण्याच्या उद्देशाने आज (21 जून) जगभरात 'जागतिक संगीत दिन' साजरा केला जातो. या दिवशी अनेक देशांत संगीताचे कार्यक्रम आयोजित केले जातात.
'जागतिक संगीत दिन' जगातील 32 हून अधिक देशांमध्ये साजरा केला जातो. यामध्ये भारत, ऑस्ट्रेलिया, रशिया, कॅनडा, अमेरिका, जपान, चीन, ब्राझील आणि मेक्सिको या देशांचा समावेश आहे. जागतिक संगीत दिनाची सुरुवात नेमकी कशी झाली, संगीताचे महत्त्व काय या संदर्भात अधिक माहिती जाणून घेऊयात.
जागतिक संगीत दिनाचा इतिहास (World Music Day History) :
जागतिक संगीत दिन सर्वात आधी 21 जून 1982 रोजी फ्रान्समध्ये साजरा करण्यात आला. फ्रान्सचे सांस्कृतिक मंत्री मॉरिस फ्ल्युरेट यांनी एक प्रस्ताव ठेवला होता, जो 1981 मध्ये स्वीकारण्यात आला होता. यानंतर, फ्रान्सचे पुढील सांस्कृतिक मंत्री, जॅक लँग यांनी 1982 मध्ये हा दिवस साजरा करण्याची घोषणा केली होती, त्यानंतर 21 जून 1982 रोजी पहिल्यांदा 'जागतिक संगीत दिवस' साजरा करण्यात आला.
जागतिक संगीत दिनाचे महत्त्व (World Music Day Importance) :
शांततेला प्रोत्साहन देण्यासाठी आणि संगीताबद्दल लोकांची आवड वाढवण्यासाठी या दिवसाचे आयोजन केले जाते. कारण संगीतामुळे मन प्रसन्न होते. दु:खात आणि सुखात प्रत्येकाला संगीत ऐकायला आवडते. इतकंच नाही तर अनेक समस्यांवर मात करण्यासाठी म्युझिक थेरपीही अनेक वेळा दिली जाते.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.
महत्वाच्या बातम्या :