Health Tips : पाय रात्रीच का दुखतात कधी विचार केला आहे? पायांचा रात्रीशी नेमका संबंध काय? वाचा सविस्तर
Pain in Legs : अनेकांचे रात्री पाय दुखत असतात. रात्री पाय दुखण्याची अनेक कारणे असू शकतात.
Pain in Legs : पाय दुखणे ही एक सामान्य बाब आहे. पायदुखीचा त्रास कोणालाही आणि केव्हाही होऊ शकतो. अशक्तपणा, थकवा, जास्त शारीरिक श्रम किंवा कोणत्याही आजारामुळे पाय दुखणे सामान्य आहे. बर्‍याच लोकांना हा त्रास होतो. तर, असे बरेच लोक आहेत ज्यांचे बहुतेक रात्री किंवा झोपताना पाय दुखतात. जरी हे पाय दुखण्याचं लक्षण सामान्य असलं तरी, ही वेदना अतिशय त्रासदायक असते.
तुमचेही रात्रीच्या वेळी पाय दुखत असतील तर ही अतिशय सामान्य बाब आहे. कारण अनेकजण या संबंधित तक्रार करतात. रात्रीच्या वेळी होणाऱ्या वेदनांचे कारण नेमके काय आहे. आणि कोणत्या कारणांमुळे रात्री वेदना होतात हे जाणून घ्या.
पाय दुखणे किंवा पायांत तीव्र वेदना होणे हे स्नायूंवर सर्वात जास्त परिणाम करतात. हा स्नायू घोट्यापासून पायाच्या मागच्या बाजूला पसरलेला असतो. रात्रीच्या वेळी पाय दुखण्याचे मुख्य कारण पायांची कमकुवत स्थिती असू शकते. बहुतेक प्रकरणांमध्ये, रात्री झोपताना पाय दुखण्याचे नेमके कारण कळत नाही. पण, आम्ही येथे या दुखण्यामागील मुख्य कारणांबद्दल सांगणार आहोत जे रात्रीच्या वेळी पाय दुखण्याचे कारण असू शकतात.
पायांची रचना
तुम्हाला हे जाणून आश्चर्य वाटेल की काही लोकांना रात्रीच्या वेळी त्यांच्या पायाच्या टेक्सचरमुळे पाय जास्त दुखतात. ज्या लोकांचे पाय उंच आणि सपाट आहेत ते सहसा पाय दुखण्याची तक्रार करतात. बर्‍याच लोकांच्या पायाचा तळ पूर्णपणे सपाट असतो, त्याला लो आर्च टाच म्हणतात. याउलट, ज्या लोकांच्या तळव्याची दोन्ही टोके वर-खाली असतात आणि मधला भाग वर असतो त्यांना उच्च कमान हील्स म्हणतात.
नसांवर दबाव
काहीवेळा टार्सल टनल सिंड्रोम घोट्याच्या नसांवर दाब पडल्यामुळे होतो. हिपजवळील सायटॅटिक नर्व्हवर दाब पडल्यामुळेही पाय दुखू शकतात.
चुकीचे उठणे किंवा बसणे
पाय दुखण्याच्या अनेक सामान्य कारणांमध्ये तुम्ही कसे बसता आणि तुम्ही कोणत्या प्रकारचे शूज घालता याचा समावेश होतो. बराच वेळ बसणे किंवा उभे राहणे, जास्त चालणे किंवा धावणे यामुळेही पाय दुखू शकतात. मात्र, हे दुखणे औषधोपचाराने किंवा व्यायामाने बरे होते.
प्लांटर फॅसिटायटिस
पायाच्या पुढच्या भागापासून टाचेपर्यंतच्या ऊतींना प्लांटर फॅसिआस म्हणतात. त्यावर कोणत्याही प्रकारचा दबाव किंवा ताण आल्यास पाय दुखतात आणि सूज येते. टाचदुखीचे हे सर्वात सामान्य कारणांपैकी एक आहे. जास्त लठ्ठपणा आणि बराच वेळ उभे राहिल्यामुळे ही वेदना अनेकदा होते. ही वेदना सहसा सकाळी होते.
मॉर्टनचा न्यूरोमा
ही एक वेदनादायक स्थिती आहे जी तुमच्या बोटांच्या नसाभोवती सूज निर्माण करते. यामुळे नसांमध्ये एक जळजळ आणि तीक्ष्ण वेदना निर्माण होते. ही वेदना कधी कधी दिवस-रात्रभर असते.
गर्भधारणा
गर्भधारणेदरम्यान शरीर कॅल्शियमवर वेगळ्या पद्धतीने प्रक्रिया करते. त्यामुळे त्याच्या पातळीत बदल होतो आणि त्यामुळे पाय दुखू शकतात.
मधुमेह
रक्तातील साखरेची उच्च पातळी हळूहळू मध्यवर्ती मज्जासंस्थेला हानी पोहोचवू शकते. यामध्ये तुमच्या पायांच्या नसांचाही समावेश होतो. जर स्थिती बिघडली, तर पायांमध्ये तीव्र वेदना होऊ शकतात.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.
महत्त्वाच्या बातम्या
