Travel : तुमचा पावसाळा ठरेल Memorable! कमी बजेट, सोबतीला जोडीदार; महाराष्ट्रातील 'या' ठिकाणांना भेट द्या

Travel : जर तुम्हाला कमी बजेटमध्ये पावसाळी पिकनिकचे प्लॅनिंग करायचे असेल, तर या ठिकाणांना भेट देणे तुमच्यासाठी फायदेशीर ठरेल.

Travel lifestyle marathi news rainy season will be Memorable

Travel : मान्सून देशासह महाराष्ट्रात दाखल झाला असून पावसाळा आता खऱ्या अर्थाने सुरू झालाय. या दिवसात महाराष्ट्रातील निसर्गसौंदर्य अगदी बहरून येतं. हे सौंदर्य पाहण्यासाठी तसेच पावसाळी पिकनिक अविस्मरणीय करण्यासाठी लोक विविध ठिकाणाहून  येतात. जर तुम्हालाही पावसाळ्यात जोडीदार किंवा कुटुंबासोबत एन्जॉय करायचं असेल, तसेच कमी बजेटमध्ये सहलीचे नियोजन करायचे असेल तर महाराष्ट्रातील या ठिकाणांना भेट देणे तुमच्यासाठी फायदेशीर ठरेल. कारण इथपर्यंत पोहोचण्यासाठी ना तुम्हाला जास्त खर्च करावा लागणार आहे ना तुम्हाला ऑफिसमधून जास्तीची सुट्टी घ्यावी लागणार आहे. ही प्रसिद्ध ठिकाणं मुंबईपासून अगदी जवळच्या अंतरावर आहेत, वीकेंडला तुमच्या जोडीदारासोबत भेट द्या..

 

पावसाळा ठरेल Best! महाराष्ट्रातील काही प्रसिद्ध ठिकाणांबद्दल जाणून घ्या..

महाराष्ट्र एक असे ठिकाण आहे जिथे हजारो प्रेक्षणीय स्थळे आहेत. नाशिक, पुणे आणि शिर्डी सारख्या ठिकाणी सध्या पर्यटकांची गर्दी पाहायला मिळतेय, इथे मालवण आणि ताडोबा ही अशी ठिकाणे आहेत, जी तुमचा उत्साह आणखी वाढवतात. तसेच तुम्हाला महाराष्ट्रीयन संस्कृती जवळून पाहण्याची संधी देखील मिळते. पण जर तुम्हाला कमी खर्चात कमी अंतरावर कुठेतरी जायचे असेल तर हा लेख तुमच्यासाठी आहे. आजच्या लेखात आम्ही तुम्हाला महाराष्ट्रातील काही प्रसिद्ध ठिकाणांबद्दल सांगणार आहोत, जिथे तुम्ही तुमच्या जोडीदारासोबत वीकेंडला जाऊ शकता.

कळसूबाई शिखर - महाराष्ट्राचे एव्हरेस्ट

कळसूबाई शिखर हे महाराष्ट्रातील सर्वात उंच शिखर आहे, जिथे दररोज हजारो लोक येतात. पावसाळ्यात हे शिखर एखाद्या स्वर्गाप्रमाणे दिसते, राज्यातील उंच शिखर असल्याने याला महाराष्ट्राचे एव्हरेस्ट असेही म्हणतात. साहसाची आवड असलेले लोक येथे जाऊ शकतात. या ट्रेकची वाट खूपच अवघड आहे, त्यामुळे इथे खूप काळजी घेऊन जा. तुम्हाला ट्रेक करायचा नसेल तर तुम्ही पायऱ्यांवरूनही जाऊ शकता.

 

काशीद - पांढरी वाळू आणि निळ्या समुद्रासाठी लोकप्रिय

महाराष्ट्रातील कोकण विभागातील हा एक प्रसिद्ध समुद्रकिनारा आहे. हे ठिकाण पांढरी वाळू आणि निळ्या समुद्रासाठी लोकप्रिय आहे. हा महाराष्ट्रातील सर्वात शांत आणि विशेष समुद्रकिनाऱ्यांपैकी एक मानला जातो. काशीदला एक शांत किनारा आहे जो लांबपर्यंत पसरलेला आहे. येथे तुम्ही वीकेंडला तुमच्या जोडीदारासोबत निवांत वेळ घालवू शकता. हे महाराष्ट्रातील सर्वोत्तम ठिकाणांपैकी एक आहे.

सूर्यमल - शहरातील गोंगाट आणि गर्दीपासून दूर

महाराष्ट्रातील ठाणे जिल्ह्यात हिरवाईने नटलेले हे एक सुंदर ठिकाण आहे. निसर्गप्रेमींसाठी हे जणू स्वर्गच आहे. येथे तुम्ही ट्रेकिंगसाठीही जाऊ शकता. येथील सुंदर टेकड्यांवरून शहराचे दृश्य अतिशय सुंदर दिसते. वीकेंडला लोक इथे पिकनिकला येतात. शहरातील गोंगाट आणि गर्दीपासून दूर, हे ठिकाण जोडप्यांसाठी सर्वोत्तम आहे. 

माळशेज घाट  - ढगांनी झाकलेले डोंगर 

पावसाळ्यात महाराष्ट्रात येण्याची चर्चा असताना माळशेज घाटाचा उल्लेख नक्कीच होतो. समुद्रसपाटीपासून 7 हजार फुटांपेक्षा जास्त उंचीवर असलेला माळशेज घाट पावसाळ्यात एक लोकप्रिय पिकनिक स्पॉट आहे आणि ट्रेकर्समध्ये खूप प्रसिद्ध आहे. पावसाळ्यात माळशेज घाटात सर्वत्र हिरवळ असते. पावसाळ्यात येथील डोंगर ढगांनी झाकलेले असतात. अनेक ठिकाणी सुंदर धबधबेही पाहायला मिळतात. माळशेज घाटात तुम्ही माळशेज धबधबा, आजोबागड किल्ला, पिंपळगाव जोगा धरण आणि कोकण कडा यासारखी उत्तम ठिकाणे शोधू शकता.

डहाणू - ट्रेकिंग आणि सायकलिंगसाठी बेस्ट ठिकाण

महाराष्ट्रातील सध्याच्या डहाणूबद्दल तुम्हाला माहिती असेलच, जर नसेल तर आम्ही तुम्हाला सांगतो की डहाणू हे पालघर जिल्ह्यातील एक छोटे शहर आहे, परंतु सौंदर्याच्या बाबतीत इतर कोणत्याही ठिकाणापेक्षा कमी नाही. अरबी समुद्राच्या किनाऱ्यावर वसलेल्या डहाणूला भेट देण्यासाठी मान्सून हा सर्वोत्तम काळ मानला जातो. डहाणू हे छोटे-मोठे डोंगर आणि गवताळ प्रदेशांनी वेढलेले आहे. हे असे ठिकाण आहे जिथे मोठ्या संख्येने पर्यटक पावसाळ्यात ट्रेकिंग आणि सायकलिंगसाठी भेट देतात. डहाणूमध्ये, तुम्ही पावसाळ्यात डहाणू बीच, महालक्ष्मी मंदिर, बोर्डी बीच आणि डहाणू किल्ला यासारखी उत्तम ठिकाणे एक्सप्लोर करू शकता.

माथेरान - पावसाळ्यात बहरते खरे सौंदर्य

माळशेज घाटानंतर पावसाळ्यात महाराष्ट्रात फिरण्याची चर्चा असेल तर माथेरानचे नाव नक्कीच घेतले जाते. राज्यातील हे असेच एक हिल स्टेशन आहे ज्याचे खरे सौंदर्य पावसाळ्यातच पाहायला मिळते.

 

 

हेही वाचा>>>

 

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )