शरीरातील व्हिटॅमिन बी 12 चं प्रमाण वाढवण्याचे घरगुती उपाय

भारतातील 60 ते 70 टक्के नागरिकांमध्ये व्हिटॅमीन बी 12 ची कमतरता असल्याचं नुकतंच एका संशोधनात समोर आलं आहे. शरीरातील व्हिटॅमिन बी 12 चं प्रमाण वाढवण्यासाठी काही सोप्या टिप्स

फोटो सौजन्य : गेट्टी इमेज

मुंबई : तुमच्या हातापायाला झिणझिण्या येतात का? सांधेदुखी, स्मरणशक्तीचा त्रास, श्वास लागणे, भूक कमी लागणे, अशक्तपणा अशी लक्षणं दिसत असतील तर डॉक्टरांना भेट द्या. व्हिटॅमीन बी12 च्या कमतरतेमुळे तुम्हाला हे त्रास होत असल्याची शक्यता आहे. शरीरात लाल रक्तपेशी निर्माण करण्याचं काम व्हिटॅमीन बी 12 करतं. चाळिशीनंतर शरीरात व्हिटॅमीन बी 12 चं प्रमाण हळूहळू कमी व्हायला लागतं. दीर्घकाळासाठी काही औषधांचं सेवन केल्यास शरीरातील बी 12 च्या क्षमतेवर परिणाम होतो. भारतातील 60 ते 70 टक्के नागरिकांमध्ये व्हिटॅमीन बी 12 ची कमतरता असल्याचं नुकतंच एका संशोधनात समोर आलं आहे. शरीरातील बी12 वाढवण्यासाठी तुमच्यासाठी काही सोप्या टिप्स 1. मासांहारामध्ये व्हिटॅमीन बी 12 चं प्रमाण सर्वात जास्त असतं. विविध प्रकारचे मासे, अंड्याचा पिवळा बलक, चिकन यामध्ये व्हिटॅमीन बी 12 चं प्रमाण अधिक असतं. 2. दूध आणि दुग्धजन्य पदार्थांपासून व्हिटॅमीन बी 12 मिळण्यास मदत होते. मशरुम, बदाम किंवा सोयाबीनचं दूध तसचं मोड आलेल्या कडधान्यांचा आहारात समावेश करावा. 3. शरीरामध्ये व्हिटॅमीन बी 12 चांगल्या प्रकारे शोषले जावेत, यासाठी कॅल्शियमचं प्रमाण चांगलं असणं गरजेचं आहे. 4. व्हिटॅमीन बी 12 शोषण चांगल्या प्रकारे शोषले जावेत, यासाठी आंबवलेल्या पदार्थांचा आहारात समावेश करावा. 5. भरपूर पाणी प्यायल्याने व्हिटॅमीन बी 12 चं शरीरात चांगल्या प्रकारे शोषण होण्यास मदत होते. 6. व्हिटॅमीन बी 12 च्या कमतरतेमुळे मेंदू आणि मज्जासंस्थेचं कार्य बिघडतं. त्यामुळे नैराश्य, विस्मरण, निद्रानाश यासारख्या समस्यांना सामोरं जावं लागतं.