Diabetes Control : मधुमेह नियंत्रणासाठी मेथी, लसूण, दालचिनी लाभदायी! जाणून घ्या याचे फायदे

Diabetes Control: मधुमेहावर नियंत्रण ठेवण्यासाठी निरोगी जीवनशैली आणि आहारासोबत काही आयुर्वेदिक घरगुती उपाय देखील केले पाहिजेत. लसूण आणि मेथीचे रोज सेवन केल्याने मधुमेहावर नियंत्रण ठेवता येते.

diabetes

Home Remedies To Diabetes : मधुमेहावर नियंत्रण ठेवण्यासाठी तुम्हाला तुमच्या खाण्यापिण्याची व्यवस्थित काळजी घेणे आवश्यक आहे. दीर्घकाळ उपाशी राहणे टाळा. जेवणात स्टार्चनसलेल्या अन्नाचा समावेश करा. मिठाई अजिबात खाऊ नका. या गोष्टींची काळजी न घेतल्यास साखरेची पातळी वाढू शकते. मधुमेह झाल्यानंतर, रुग्णाला त्याचे वजन नियंत्रित करणे देखील आवश्यक आहे.

मधुमेहावर नियंत्रण ठेवण्यासाठी तुम्ही काही आयुर्वेदिक औषधे आणि घरगुती उपाय देखील अवलंबू शकता. आयुर्वेदात अशा अनेक गोष्टी आहेत, ज्या तुमच्या रक्तातील साखर नियंत्रित ठेवण्यास मदत करतात.

मधुमेहासाठी आयुर्वेदिक आणि घरगुती उपचार (Ayurvedic And Home Remedies for Diabetes)

मेथी (Fenugreek) : मेथीचे दाणे मधुमेहामध्ये खूप फायदेशीर मानले जातात. त्यामुळे रक्तातील साखर नियंत्रित राहण्यास मदत होते. एक चमचा मेथीचे दाणे एका ग्लास पाण्यात रात्रभर भिजत ठेवा आणि सकाळी रिकाम्या पोटी दाण्यांसोबत हे पाणी प्या. मेथीचे पाणी प्यायल्यानंतर अर्धा तास काहीही खाऊ नका.

लसूण (Garlic) : आयुर्वेदात लसूण खूप फायदेशीर मानले जाते. लसणाचा वापर केल्याने कोलेस्ट्रॉल कमी होण्यास आणि मधुमेहावर नियंत्रण ठेवण्यास मदत होते. लसणाच्या 2-3 पाकळ्या रात्रभर पाण्यात भिजवून ठेवा आणि सकाळी रिकाम्या पोटी चावून खा.

दालचिनी (Cinnamon) : दालचिनीचा वापर मसाल्यांमध्ये केला जातो. याच्या सेवनाने मधुमेह नियंत्रणात राहतो. दालचिनीमध्ये मधुमेहविरोधी गुणधर्म असतात. दररोज अर्धा चमचा दालचिनी पावडर सेवन केल्याने रक्तातील साखरेची पातळी कमी राहते.

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार आणि औषधं तज्ज्ञांच्या सल्ल्यानं घ्यावीत.

इतर बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha