Hearing Loss Symptoms : आपल्या शरीरातील पाच ज्ञानेंद्रिय म्हणजेच कान, नाक, डोळे, जीभ आणि त्वचा ही अत्यंत महत्वाची आहेत. यापैकी कोणतेही ज्ञानेंद्रिय कमी पडले तरी त्याचा मानवी शरीरावर परिणाम होतो. अशाच एका ज्ञानेंद्रियाबद्दल आपण आज बोलणार आहोत ते म्हणजे कान (Ear). मानवी शरीरातील कान हे ज्ञानेंद्रिय फार महत्वाची भूमिका बजावतात. अशीच कानाच्या बाबतीत उद्भवणारी मुख्य समस्या म्हणजे श्रवणशक्ती कमी होणे. ही एक अशी स्थिती आहे ज्यामध्ये व्यक्तीला एका कानाने किंवा दोन्ही कानाने अंशत: किंवा पूर्णपणे ऐकू येत नाही. त्यामुळे ऐकण्याच्या क्षमतेवर परिणाम होतो. हळूहळू ही समस्या वाढू लागते. अशा वेळी जर तुम्हाला कोणत्याही कारणाने कमी ऐकू येत असेल तर वेळीच डॉक्टरांचा सल्ला घ्या. कानात ऐकू न येण्याची मुख्य लक्षणं कोणती? याची कारणे काय? तसेच यावर उपचार काय या संदर्भात अधिक माहिती जाणून घ्या.
श्रवणशक्ती कमी होण्याची लक्षणे :
- ऐकण्यास अडचण निर्माण होणे.
- गोष्टी ऐकू येतात पण समजण्यास त्रास होतो.
- तीच गोष्ट वारंवार सांगणे किंवा पुन्हा सांगणे.
- खूप थकवा जाणवणे.
- कानात सतत आवाज जाणवणे.
- डोकेदुखी आणि अशक्तपणा जाणवणे.
- काहीच ऐकू न येणे.
श्रवणशक्ती कमी होण्याची कारणे :
- वाढत्या वयाबरोबर ऐकण्याच्या क्षमतेवर परिणाम होऊ शकतो. यामुळे तुमचे कान खूप कमकुवत होऊ शकतात.
- अति आवाजाच्या ठिकाणी काम केल्याने किंवा राहिल्याने श्रवणशक्ती कमी होऊ शकते.
- कुटुंबातील अनुवांशिक विकार.
- तुम्ही ऑटो इम्यून रोगाने ग्रस्त असाल तरीही ऐकण्याची समस्या असू शकते.
- ऑटोटॅक्सिस औषधे घेतल्याने ही समस्या उद्भवू शकते.
उपचार काय?
- ऐकण्याची क्षमता कमी किंवा कमकुवत असल्यास डॉक्टर सुरुवातीच्या टप्प्यात काही औषधे देऊ शकतात. त्याच वेळी, जर कान पूर्णपणे खराब झाला असेल, तर अशा परिस्थितीत मशीन बसविण्याचा सल्ला दिला जाऊ शकतो.
- श्रवणशक्ती कमी होण्याची अनेक कारणे असू शकतात. परंतु, जर तुम्हाला ऐकण्यास अडचण येत असेल तर वेळीच डॉक्टरांशी संपर्क साधा.
महत्वाच्या बातम्या :