Health Tips : Vitamin C ची कमतरता आणि अतिरेक दोन्ही शरीरासाठी हानिकारक; जाणून घ्या कसे?
Health Tips : शरीरात व्हिटॅमिन सीची भूमिका व्हिटॅमिन सी हे आपल्या शरीराला निरोगी ठेवण्यासाठी सर्वात आवश्यक पोषक तत्वांपैकी एक आहे.
Health Tips : जर तुम्हाला शरीर दीर्घकाळ निरोगी ठेवायचे असेल, तर खाणे आणि निरोगी जीवनशैली हा त्याचा मूळ मंत्र आहे. सकस आणि संतुलित आहार घेतल्यास तुम्ही तुमचे शरीर अनेक आजारांपासून सुरक्षित ठेवू शकता. व्हिटॅमिन सी (Vitamin C) हे शरीर निरोगी ठेवण्यासाठी सर्वात आवश्यक पोषक तत्वांपैकी एक आहे. व्हिटॅमिन सी हे पाण्यात विरघळणारे जीवनसत्व आहे. हे देखील एक प्रकारचे अँटी-ऑक्सिडंट आहे. जे त्वचा आणि हाडे निरोगी ठेवण्यासाठी आवश्यक मानले जाते. हे जीवनसत्व शरीरात लोहाचे शोषण करण्यास देखील मदत करते. याचे एक-दोन नव्हे तर अनेक फायदे आहेत, पण तुम्हाला माहित आहे का की त्याचा अतिरेक शरीरासाठी अनेक प्रकारे हानिकारक आहे. याबद्दल अधिक माहिती जाणून घेऊयात.
निरोगी त्वचेसाठी फायदेशीर
त्वचा निरोगी ठेवण्यासाठी व्हिटॅमिन सी खूप विशेष भूमिका बजावते. हे जीवनसत्व हायपरपिग्मेंटेशनची समस्या कमी करून त्वचेचा रंग सुधारते. कोलेजन वाढण्यास मदत होते. व्हिटॅमिन सी भरपूर प्रमाणात फळे आणि भाज्यांचे सेवन केल्याने सुरकुत्या आणि बारीक रेषांची समस्या दूर होण्यास मदत होते, ज्यामुळे तुम्हाला वृद्धापकाळातही तरुण राहण्यास मदत होते. यासोबतच कोरड्या त्वचेची समस्या दूर करण्यासाठी व्हिटॅमिन सी देखील फायदेशीर आहे.
वजन कमी करण्यास उपयुक्त
व्हिटॅमिन सीचे योग्य प्रमाण वजन कमी करण्यातही मदत करू शकते, असे आरोग्य तज्ज्ञांचे मत आहे. आपल्या आहारात व्हिटॅमिन सी समृद्ध फळे आणि भाज्यांचा समावेश करा आणि दररोज व्यायाम देखील करा.
रोगप्रतिकारक शक्ती निरोगी ठेवते
कमकुवत रोगप्रतिकारक शक्ती तुम्हाला निरोगी राहण्याची संधी देत नाही. याचा अर्थ असा की तुम्ही नेहमीच कोणत्या ना कोणत्या संसर्गाला बळी पडत असाल, त्यामुळे तुम्हाला निरोगी जीवन जगायचे असेल तर तुमच्या आहारात व्हिटॅमिन सी समृद्ध असलेल्या गोष्टींचा समावेश करा, ज्यामुळे रोगप्रतिकारशक्ती वाढते आणि अनेक आजार होण्यापासून बचाव होतो. कमी
हिरड्या निरोगी ठेवा
ब्रश करताना तुमच्या हिरड्यांमधूनही रक्त येत असेल तर त्याला हलके घेऊ नका. व्हिटॅमिन सीच्या कमतरतेमुळे स्कर्वी होतो, ज्यामध्ये हिरड्यांमधून रक्तस्त्राव होण्याची समस्या दिसून येते, त्यामुळे हिरड्या निरोगी ठेवण्यासाठी, व्हिटॅमिन सी समृद्ध असलेले पदार्थ खा.
जास्त प्रमाणात व्हिटॅमिन सीचे तोटे
- पोटात कळा
- मुतखडा
- ऍलर्जी
- अतिसार आणि मळमळ
- गॅस्ट्रोइंटेस्टाइनल समस्या
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.
महत्त्वाच्या बातम्या :
महत्त्वाच्या बातम्या
