Health Tips : वयाच्या तिशीनंतर महिलांनी 'या' 10 हाय कॅल्शियमयुक्त पदार्थांचा आहारात समावेश करावा; हाडांच्या मजबुतीसाठी हे उपाय गरजेचे

Health Tips : आहारतज्ञांच्या मते, महिलांना दररोज 1000 मिलीग्राम कॅल्शियमची आवश्यकता असते.

Health Tips

Health Tips : वयाच्या तिशीत हाडं निरोगी असणं खूप गरजेचं आहे. कारण या वयात तुम्ही सक्रिय असणं फार महत्त्वाचं आहे. या वयानंतर हाडे आणि दातांसाठी कॅल्शियमची (calcium) गरज वाढते. विशेषत: ज्या महिला 30 वर्षानंतर गर्भवती होतात त्यांना कॅल्शियमची जास्त गरज असते, कारण गर्भधारणेदरम्यानही कॅल्शियम आवश्यक असते.

पोषणतज्ञ आणि आहारतज्ञ यांच्या मते, महिलांना दररोज 1000 मिलीग्राम कॅल्शियमची आवश्यकता असते. वयाच्या तिशीनंतरही ते महत्त्वाचे आहे. तुमच्या आहारात कॅल्शियम, व्हिटॅमिन डी, प्रथिने आणि इतर पौष्टिक घटकांचा योग्य प्रमाणात समावेश करा. हाडे मजबूत करून, ऑस्टियोपोरोसिस सारख्या आजारांची शक्यता कमी केली जाऊ शकते. हाडांच्या आरोग्यावर लक्ष ठेवण्यासाठी डॉक्टरांच्या सल्ल्याचे पालन करणं गरजेचं आहे. अशा वेळी आपल्या आहारात काही गोष्टींचा समावेश केल्याने हाडांचे आरोग्य सुधारले जाऊ शकते आणि आपण दीर्घ आयुष्यासाठी निरोगी राहू शकता.

हिरव्या भाज्या

पालक, मेथी, मोहरीच्या हिरव्या भाज्या आणि केळीची पाने यांसारख्या हिरव्या भाज्या देखील कॅल्शियमचे चांगले स्रोत असू शकतात. दररोज कोणत्या ना कोणत्या स्वरूपात या पदार्थांचा आहारात समावेश करा.

'या' पदार्थांमध्ये दुग्धजन्य पदार्थांपेक्षा जास्त कॅल्शियम असते

तीळ

तिळाच्या बियांमध्ये कॅल्शियमचे प्रमाण चांगले असते आणि तुम्ही ते सॅलड किंवा ब्रेडवर टाकून खाऊ शकता. याशिवाय, तुम्ही स्मूदीमध्ये देखील समावेश करू शकता. हे फायबर आणि प्रथिनांचा देखील एक चांगला स्रोत आहे.

पनीर

पनीर देखील कॅल्शियमचा एक चांगला स्रोत आहे. शाकाहारी लोक आपल्या आहारात समावेश करू शकतात.

बदाम

बदामामध्ये कॅल्शियम आणि व्हिटॅमिन डीचे मिश्रण असते, ज्यामुळे हाडांचे आरोग्य सुधारते. याशिवाय हे प्रथिने, फायबर आणि इतर जीवनसत्त्वांचे पॉवरहाऊस आहे.

मासे 

मासे कॅल्शियमचा चांगला स्रोत असू शकतो. तुम्ही तुमच्या आहारात नियमितपणे सॅल्मन किंवा सार्डिनसारख्या माशांचा समावेश करू शकता. मासे हा प्रथिने आणि ओमेगा 3 फॅटी ऍसिडचा उत्तम स्रोत आहे. याशिवाय खजूर, ब्रोकोली, अंजीर, सोयाबीन आणि दही हे देखील कॅल्शियमचे मजबूत स्रोत आहेत. तुम्ही आहारात या पदार्थांचा समावेश करू शकता. 

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. 

महत्त्वाच्या बातम्या :