Health Tips : निरोगी त्वचा ते रक्तातील साखरेपर्यंत, गाजराचा रस प्यायल्याने 'हे' 5 जबरदस्त फायदे मिळतील

Carrot Juice Benefits : गाजराचा रस फक्त दृष्टी सुधारण्यासच नाही तर त्वचेचा ग्लो वाढवण्यात देखील मदत करतो.

Carrot Juice Benefits

Carrot Juice Benefits : निरोगी शरीरासाठी फळं अत्यंत गरजेची असतात. इतर फळभाज्यांप्रमाणेच गाजराचा रस देखील आरोग्यासाठी खूप फायदेशीर आहे. गाजराचा रस फक्त दृष्टी सुधारण्यासच नाही तर त्वचेचा ग्लो वाढवण्यात देखील मदत करतो. एवढेच नाही तर हा रस तुमच्या रक्तातील साखरेची पातळी नियंत्रित ठेवण्यासही उपयुक्त ठरू शकतो.

गाजरमध्ये भरपूर जीवनसत्त्वे, खनिजे आणि अँटीऑक्सिडंट असतात, जे शरीर निरोगी ठेवण्यासाठी एकत्र काम करतात. हे रोज खाल्ल्याने कॅलरीजही वाढत नाहीत. गाजरात अ, क आणि के जीवनसत्त्वे मुबलक प्रमाणात आढळतात. त्यामध्ये ल्युटीन आणि झेक्सॅन्थिन नावाचे कॅरोटीनॉइड देखील असतात, जे शरीरातील फ्री रॅडिकल्सशी लढण्यास मदत करतात. गाजर तुमची रोगप्रतिकार शक्ती वाढवण्यासही उपयुक्त आहे. तुमच्या आहारात गाजराचा रस समाविष्ट करून तुम्ही हे 5 फायदे मिळवू शकता. 

गाजराच्या रसाचे फायदे

1. डोळ्यांसाठी फायदेशीर : गाजरमध्ये अनेक आवश्यक पोषक घटक असल्यामुळे ते डोळ्यांसाठी खूप फायदेशीर मानले जाते. गाजराच्या रसामध्ये व्हिटॅमिन ए मुबलक प्रमाणात आढळते, जे तुमच्या डोळ्यांसाठी आवश्यक आहे. त्यात ल्युटीन आणि झेक्सॅन्थिन आहे. हे हानिकारक सूर्यप्रकाशापासून डोळ्यांचे संरक्षण करते. गाजराचा रस प्यायल्याने वयाशी संबंधित आजार 'मॅक्युलर डिजनरेशन'चा धोका कमी होतो आणि डोळ्यांशी संबंधित इतर समस्यांची शक्यताही कमी होते.

2. रोगप्रतिकारशक्ती वाढवण्यासाठी उपयुक्त : भाज्या असो किंवा भाज्यांचा रस, दोन्ही तुमच्या आरोग्यासाठी फायदेशीर मानले जातात. गाजराच्या रसामध्ये जीवनसत्त्वे, खनिजे आणि अँटीऑक्सिडंट असतात, जे तुमची प्रतिकारशक्ती वाढवण्यास मदत करतात. व्हिटॅमिन ए आणि व्हिटॅमिन सी तुमची रोगप्रतिकारक शक्ती मजबूत करण्यासाठी आणि मुक्त रॅडिकल्समुळे होणारे नुकसान टाळण्याचे काम करतात.

3. रक्तातील साखरेची पातळी नियंत्रित होते : मधुमेह असलेल्या रुग्णांनी कमी-ग्लायसेमिक निर्देशांक असलेले अन्न खाणे आवश्यक आहे. कारण ते रक्तातील साखरेची पातळी नियंत्रित करण्यात मदत करतात. गाजराच्या रसामध्ये कमी ग्लायसेमिक इंडेक्स असतो. यामुळेच मधुमेही रुग्णांसाठी हा एक चांगला पर्याय आहे. 

4. त्वचेसाठी फायदेशीर : गाजराच्या रसात व्हिटॅमिन सी मुबलक प्रमाणात आढळते आणि व्हिटॅमिन सी तुमच्या त्वचेसाठी खूप फायदेशीर आहे. व्हिटॅमिन सी त्वचेला फ्री रॅडिकल्सच्या नुकसानीपासून वाचवते. गाजराच्या रसामध्ये कॅरोटीनोइड्स आढळतात, जे त्वचेला अतिनील हानीपासून वाचवण्याचे काम करतात. 

5. यकृतासाठी फायदेशीर : गाजराच्या रसामध्ये असलेले कॅरोटीनोइड्स त्यांच्या अँटीऑक्सिडंट आणि दाहक-विरोधी गुणधर्मांसाठी ओळखले जातात. हे नॉन-अल्कोहोलिक फॅटी लिव्हर डिसीज (NAFLD) पासून यकृताचे संरक्षण करण्यास मदत करते.

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार आणि औषधं तज्ज्ञांच्या सल्ल्यानं घ्यावीत.

महत्वाच्या बातम्या :