Buddha Purnima 2022 : आज बुद्ध पौर्णिमा, जाणून घ्या गौतम बुद्धांचे अनमोल विचार!

Buddha Purnima 2022 : भगवान बुद्धांनी संपूर्ण जगाला करुणा आणि सहिष्णुतेच्या मार्गावर चालण्याची प्रेरणा दिली.

Buddha Purnima 2022

Buddha Purnima 2022 : भगवान गौतम बुद्धांनी संपूर्ण जगाला करुणा आणि सहिष्णुतेच्या मार्गावर चालण्याची प्रेरणा दिली. त्यांनी दिलेल्या शिकवणी, संदेश आणि विचार मानवाला नैतिक मूल्यांशिवाय समाधानावर आधारित जीवन जगण्यासाठी माणसाला प्रेरणा देतात. आज बुद्ध पौर्णिमा आहे. बुद्ध पौर्णिमा हा बौद्ध धर्माच्या अनुयायांसाठी सर्वात मोठा सण आहे

आज बुद्ध पौर्णिमा

बौद्ध धर्माचे संस्थापक गौतम बुद्ध हे महान आध्यात्मिक गुरुंपैकी एक होते. बुद्धांचा जन्म वैशाख महिन्याच्या पौर्णिमेला झाला. म्हणूनच याला बुद्ध पौर्णिमा असेही म्हणतात. आज बुद्ध पौर्णिमा आहे. बुद्ध पौर्णिमा हा बौद्ध धर्माच्या अनुयायांसाठी सर्वात मोठा सण आहे. या तिथीला बौद्ध धर्माव्यतिरिक्त हिंदू धर्मातही खूप महत्त्व आहे. हिंदू धर्मानुसार मानले जाते की, भगवान बुद्ध हा भगवान विष्णूचा शेवटचा आणि 9वा अवतार होता. 

हिंदू-बौद्ध दोन्ही धर्मातील लोकांसाठी महत्वाचा दिवस

वैशाख महिन्यातील पौर्णिमा ही बुद्ध पौर्णिमा म्हणून ओळखली जाते. बौद्ध धर्मानुसार वैशाख महिन्यातील पौर्णिमा हा गौतम बुद्धांचा जन्मदिवस म्हणून साजरा केला जातो. धार्मिक मान्यतेनुसार या तिथीला महात्मा बुद्धांचा जन्म झाला होता. या दिवशी भगवान बुद्धांव्यतिरिक्त भगवान विष्णू आणि भगवान चंद्रदेव यांची पूजा केली जाते. या दिवशी हिंदू आणि बौद्ध दोन्ही धर्मातील लोक हा दिवस वैभवशाली मानतात. 

शुभ मुहूर्त

बुद्ध पौर्णिमा सुरू होते - 15 मे दुपारी 12:45 वाजता
बुद्ध पौर्णिमा संपेल - 16 मे रात्री 9.45 पर्यंत

बुद्ध पौर्णिमेचे महत्त्व

बौद्ध धर्मातील लोक ही तारीख भगवान बुद्धांची जयंती म्हणून साजरी करतात. ठिकठिकाणी दिव्यांचा उत्सव होतो. भगवान बुद्धांच्या शिकवणी आत्मसात करून, त्यांच्याप्रती खरी भक्ती ठेवली जाते. भगवान बुद्धांच्या शिकवणीकडे लक्ष दिल्यास मनुष्याचे सांसारिक दुःख कमी होतात, असे म्हणतात. त्याचे मन शुद्ध होते.

बुद्ध पौर्णिमेच्या निमित्त भगवान बुद्धांनी दिलेल्या काही उपदेशांबद्दल जाणून घेऊया.

-आपल्या मोक्षासाठी स्वतःच प्रयत्न करा. इतरांवर अवलंबून राहू नका.
-रागाच्या भरात हजार शब्द चुकीचा उच्चारण्यापेक्षा मौन हा एक शब्द जीवनात शांती आणणारा आहे.
-तुमच्याकडे जे आहे त्याची अतिशयोक्ती करू नका किंवा इतरांचा मत्सर करू नका.
-वाईटाचा वाईटाने कधीच अंत होत नाही. द्वेषाचा अंत फक्त प्रेमानेच होऊ शकतो, हे अटळ सत्य आहे.
-जशी मेणबत्ती अग्नीशिवाय जळत नाही, त्याचप्रमाणे मनुष्य आध्यात्मिक जीवनाशिवाय जगू शकत नाही.
-रागाला धरून राहणे म्हणजे एखाद्या गरम कोळशाला दुसर्‍यावर फेकण्यासारखे आहे, तो तुम्हालाच जाळतो.
-माणसाची निंदा झाली पाहिजे जेणेकरून चांगुलपणा त्याच्यावर मात करू शकेल.