![metaverse](https://cdn.abplive.com/imagebank/metaverse-top.png)
Zee Marathi Serial TRP : नव्या मालिकांचं सत्र पण टीआरपीच्या शर्यतीत झी मराठीची झुंज अपयशीच, फक्त 3 मालिकांनाच स्थान
Zee Marathi Serial TRP : या आठवड्यात आलेल्या टीआरपीच्या शर्यतीत झी मराठीला पुन्हा एकदा फटका बसला असल्याचं चित्र आहे.
![Zee Marathi Serial TRP : नव्या मालिकांचं सत्र पण टीआरपीच्या शर्यतीत झी मराठीची झुंज अपयशीच, फक्त 3 मालिकांनाच स्थान Zee Marathi TRP rate Shiva Paru Navri Mile Hitler La New Marathi Serial detail marathi news Zee Marathi Serial TRP : नव्या मालिकांचं सत्र पण टीआरपीच्या शर्यतीत झी मराठीची झुंज अपयशीच, फक्त 3 मालिकांनाच स्थान](https://feeds.abplive.com/onecms/images/uploaded-images/2024/03/09/191d4f97005263879e50cd06eba0ad691710004752141720_original.png?impolicy=abp_cdn&imwidth=1200&height=675)
Zee Marathi Serial TRP : नुकतच आलेल्या टीआरपीच्या रिपोर्टनुसार स्टार प्रवाहवरील (Star Pravah) मालिकांनी बाजी मारल्याचं पाहायला मिळत आहे. पण या शर्यतीत झी मराठी (Zee Marathi) मात्र मागेच पडलं आहे. सध्या झी मराठी वाहिनीवर नव्या मालिकांचं सत्र सुरु आहे. नुकतीच वाहिनीवर शिवा (Shiva) आणि पारु (Paaru) या मालिका प्रेक्षकांच्या भेटीला आल्या आहेत. या दोन मालिकांना मात्र टीआरपीच्या शर्यतीत स्थान मिळालं असल्याचं चित्र आहे.
झी मराठीवरील शिवा आणि पारु तसेच सातव्या मुलीची सातवी मुलगी या मालिका टीआरपीच्या रिपोर्टमध्ये आहेत.पण या मालिकांना अगदीच खालचा नंबर मिळालाय. सातव्या मुलीची सातवी मुलगी ही मालिका तर शेवटच्या स्थानावर आहे.
झी मराठीवर नव्या मालिकांचं सत्र
झी मराठी वाहिनीवर काही दिवसांत नवरी मिळे हिटलरला आणि पुन्हा कर्तव्य आहे ही मालिका सुरु होणार आहे. तसेच काही दिवसांपूर्वी शिवा आणि पारु या दोन मालिका सुरु झाल्या. सध्या या वाहिनीवरील पारु ही मालिका प्रेक्षकांच्या पसंतीस उतरत असल्याचं चित्र आहे. पारु ही मालिका टीआरपीच्या रिपोर्टमध्ये 17 व्या स्थानावर आहे. त्याचप्रमाणे शिवा ही मालिका 18 व्या स्थानावर आहे. सातव्या मुलीची सातवी मुलगी ही मालिका शेवटच्या म्हणजेच 20 व्या स्थानावर आहे.
झी मराठीवरील मालिकांचे रेटींग
झी मराठी वाहिनीवरील पारु ही मालिका 17 व्या स्थानावर आहे. या मालिकेला 2.5 इतके रेटींग आहे. शिवा ही मालिका 18 व्या स्थानावर आहे. या मालिकेला 2.7 इतके रेटींग आहे. सातव्या मुलीची सातवी मुलगी ही मालिका टीआरपीच्या रिपोर्टमध्ये शेवटच्या स्थानावर आहे. या मालिकेला 2.5 इतके रेटींग आहे.
स्टार प्रवाहच्या मालिकांना प्रेक्षकांची पसंती
स्टार प्रवाहवरील जवळपास सर्वच मालिका या टीआरपीमध्ये अव्वल असल्याचं पाहायला मिळत आहे. यामध्ये ठरलं तर मग या मालिकेने पुन्हा एकदा टीआरपीच्या शर्यातीत बाजी मारली आहे. तसेच या शर्यातील ठरलं तर मगच्या खाली दोन्हीही मालिका या स्टार प्रवाह वाहिनीच्या आहेत. प्रेमाची गोष्ट ही मालिका टीआरपीच्या शर्यातीत दुसऱ्या स्थानावर आहे तर लक्ष्मीच्या पावलांनी ही मालिका तिसऱ्या स्थानावर आहे.
View this post on Instagram
ही बातमी वाचा :
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)
![सिद्धेश ताकवले](https://cdn.abplive.com/imagebank/editor.png)