Nikhil Kamath : कोण आहे निखिल कामथ? बॉलिवूड अभिनेत्री रिया चक्रवर्तीबरोबर नेमकं कनेक्शन काय? वाचा सविस्तर

Nikhil Kamath : निखिल कामथ हा मूळचा कोकणी ब्राह्मण कुटुंबातील असून त्याचा जन्म कर्नाटकात 5 सप्टेंबर 1985 रोजी झाला.

Nikhil Kamath

Nikhil Kamath : बॉलिवूड आणि उद्योजकांचं नातं तसं फार जुनं आहे. सध्या हेच कनेक्शन असणारं नातं सगळीकडे चर्चेत आहे. तो म्हणजे तरूण उद्योजक निखिल कामथ आणि बॉलिवूड अभिनेत्री रिया चक्रवर्ती. निखिल कामथ हा तरुण उद्योजक बॉलीवूडशी असलेल्या त्याच्या संपर्कामुळे चर्चेत असतो. याआधी निखिल मिस वर्ल्ड 2017 आणि लोकप्रिय अभिनेत्री मानुषी छिल्लरला डेट करत होता. मात्र, नुकतेच निखिलने मानुषीबरोबरच्या नात्याला पूर्णविराम दिला आहे. इंस्टाग्रामवरदेखील या दोघांनी एकमेकांना अनफॉलो केलं आहे. तर, मिळालेल्या माहितीनुसार, निखिल कामथ सध्या प्रसिद्ध बॉलिवूड अभिनेत्री रिया चक्रवर्तीला डेट करत आहे अशा चर्चांना उधाण आलं आहे. पण, त्याआधी निखिल कामथ नेमका कोम आहे याविषयी सविस्तर माहिती जाणून घेऊयात.

निखिल कामथचे कुटुंब आणि शालेय शिक्षण

निखिल कामथ हा मूळचा कोकणी ब्राह्मण कुटुंबातील असून त्याचा जन्म कर्नाटकात 5 सप्टेंबर 1985 रोजी झाला. अभ्यासात रस नसल्यामुळे दहावी पूर्ण होण्यापूर्वीच निखिलने  शाळा सोडली. निखिलने महाविद्यालयीन शिक्षणही पूर्ण केले नाही. त्यामुळे त्याच्याकडे कोणतीही औपचारिक पदवी नाही. निखिलला नेहमीच बिझनेसमॅन व्हायचे होते. केवळ 14 वर्षांचा असताना निखिलने मोबाईल फोनच्या क्षेत्रात आपले करिअर सुरू केले. निखिलचा भाऊ नितीन कामथ हा देखील बिझनेसमॅन असून तो निखिलच्या व्यवसायात भागीदार आहे. 

कॉल सेंटरच्या कर्मचाऱ्यापासून ते बिझनेसमॅन पर्यंतचा प्रवास

विशेष म्हणजे शाळा सोडल्यानंतर निखिल कामथने एका कॉल सेंटरमध्ये मासिक 8000 रूपयांमध्ये नोकरी केली. कॉल सेंटरमध्ये काम करण्याबरोबरच इक्विटी ट्रेडिंगमध्ये गुंतण्यास सुरुवात केली. नंतर 2006 मध्ये कामथने सब ब्रोकर म्हणून करिअरला सुरुवात केली. नंतर त्यांनी त्यांचे भाऊ नितीन कामथ यांच्या सहकार्याने कामथ अँड असोसिएट्स नावाची वैयक्तिक ब्रोकरेज फर्म सुरू केली.

झिरोधा, ट्रू बीकन आणि गृह यांची स्थापना

कामथ बंधू लवकरच सामर्थ्य वाढले आणि झेरोधा नावाची एक नवीन फर्म, जी स्टॉक, कमोडिटीज आणि चलन यांच्यातील व्यवहारांसाठी ब्रोकरेज सेवा हाताळते. झिरोधाच्या प्रचंड यशानंतर, निखिल कामथने त्याच्या भावासोबत ट्रू बीकन नावाच्या मालमत्ता व्यवस्थापन कंपनीची सह-स्थापना केली. ही फर्म अल्ट्रा-नेट-वर्थ व्यक्तिमत्त्वांना भारतीय बाजारपेठेत गुंतवणूक करण्यास मदत करते. 2021 मध्ये, कामथ यांनी अभिजीत पै यांच्याशी हातमिळवणी केली आणि गृहस नावाची रिअल इस्टेट गुंतवणूक आणि प्रो-टेक कंपनीची सह-स्थापना केली. 

निखिल कामथची संपत्ती

सरध्या मिळालेल्या अपडेटनुसार, 36 वर्षीय अब्जाधीश निखिल कामथची एकूण संपत्ती 9000 कोटी रूपये इतकी आहे. त्यांची ब्रोकरेज कंपनी झेरोधाने वार्षिक 2000 कोटींहून अधिक नफा नफा नोंदवला आहे. 

महत्त्वाच्या बातम्या :