Vikram box office day 10 collection : जगभरातील बॉक्स ऑफिसवर 'विक्रम'ची जादू; गाठला 300 कोटींचा टप्पा

जगभरातील बॉक्स ऑफिसवर विक्रम (vikram) चित्रपटानं  300 कोटींची कमाई केली आहे.

Vikram

Vikram box office day 10 collection : अभिनेते कमल हसन (Kamal Haasan) यांचा विक्रम (Vikram) हा चित्रपट सध्या बॉक्स ऑफिसवर धुमाकूळ घालत आहे. कमल हसन यांच्यासोबतच विजय सेतुपती, शिवानी नारायण, फहाद फासिल आणि सुर्या या कलाकारांनी देखील या चित्रपटामध्ये प्रमुख भूमिका साकारली आहे. या चित्रपटानं आता जगभरातील बॉक्स ऑफिसवर  300 कोटींची कमाई केली आहे. 

रमेश बाला यांनी ट्विटरवर ट्वीट शेअर करुन त्यांनी विक्रम चित्रपटाच्या बॉक्स ऑफिस कलेक्शनबाबत माहिती दिली आहे. रमेश बाला यांनी ट्वीटमध्ये लिहिलं, 'दुसऱ्या आठवड्याच्या शेवटी विक्रम या चित्रपटानं जगभरातील बॉक्स ऑफिसमध्ये 300 कोटींची कमाई केली आहे. कमल हसन यांचा 300 कोटींचा टप्पा गाठणारा हा पहिला चित्रपट आहे, असंही रमेश यांनी या ट्वीटमध्ये सांगितलं. 

विक्रम हा चित्रपट हिंदी, तेलगू आणि मल्याळम या भाषामध्ये प्रदर्शित झाला असून या चित्रपटाला प्रेक्षकांची विशेष पसंती मिळत आहे. 'विक्रम' हा सिनेमा 3 जूनला सिनेमागृहात प्रदर्शित झाला आहे. विक्रम या चित्रपटाचे दिग्दर्शन लोकेश कनगराज यांनी केलं आहे. विक्रम सिनेमाने रिलीजच्या तीन दिवसांतच 163.07 कोटींची कमाई केली. 

At the end of 2nd weekend, #Vikram has crossed the ₹ 300 Cr gross mark at the WW Box office.. 🔥

A first for #Ulaganayagan @ikamalhaasan and rest of the cast and crew! @VijaySethuOffl #FahadhFaasil @Suriya_offl @Dir_Lokesh @anirudhofficial @RKFI @turmericmediaTM

— Ramesh Bala (@rameshlaus) June 13, 2022

विक्रम चित्रपटामधील स्टार कास्टची फी  
विक्रम या चित्रपटामध्ये कमल हसन यांनी प्रमुख भूमिका साकारली आहे. तसेच ते या चित्रपटाचे निर्माते देखील आहेत. या चित्रपटामध्ये काम करण्यासाठी कमल हसन यांनी 50 कोटी मानधन घेतलं आहे. 
तसेच अभिनेता विजय सेतुपतीनं या चित्रपटासाठी दहा कोटींचे मानधन घेतलं आहे. विक्रम या चित्रपटामधून कमल हसन यांनी कमबॅक केले. याआधी त्यांनी  2018 मध्ये  'विश्वरुपम' या चित्रपटामध्ये कमल हसन यांनी काम केले. सम्राट पृथ्वीराज या चित्रपटासोबत विक्रम या चित्रपटाची बॉक्स ऑफिसवर टक्कर झाली. 

संबंधित बातम्या: