Zee Marathi Serial : 'पुन्हा कर्तव्य आहे' , 'झी मराठी'वर सुरु होणार नवी गोष्ट, 'ही' नवी जोडी झळकणार मुख्य भूमिकेत
Zee Marathi Serial : झी मराठी वाहिनीवर सध्या नव्या मालिका सुरु होत असून पुन्हा कर्तव्य आहे ही नवी मालिका लवकरच प्रेक्षकांच्या भेटीला येणार आहे.
Punha Kartvya Ahe : 'झी मराठी' (Zee Marathi) वाहिनीवर 'पुन्हा कर्तव्य आहे' (Puna Kartvya Ahe) ही नवी मालिका लवकरच सुरु होणार आहे. या मालिकेत अभिनेता अक्षय म्हात्रे (Akshay Mhatre) आणि अक्षया हिंदळकर(Akshaya Hindalkar) ही नवी कोरी जोडी झळकणार आहे. दरम्यान ही मालिका झी टीव्हीवरील एका हिंदी मालिकेचा रिमेक असून पुन्हा लग्न करण्याच्या संकल्पनेवर आधारित या मालिकेची गोष्ट आहे. नुकताच वाहिनीकडून या मालिकेचा प्रोमो शेअर करण्यात आला आहे.
आयुष्यातला जोडीदार गेल्यानंतर एकट्याने मुलांची जबाबदारी सांभाळणं आणि त्या मुलांना आई किंवा वडिल नसण्याची कमतरता भासणं असा सर्वसाधारणपणे या गोष्टीचा आशय आहे. झी टीव्हीवर 'पुनर्विवाह - जिंदगी मिलेगी दोबारा' ही हिंदी मालिका होती. याच हिंदी मालिकेचा हा रिमेक असणार आहे.
View this post on Instagram
'ही' नवी जोडी झळकणार मालिकेत
या मालिकेत अभिनेता अक्षय म्हात्रे आणि अक्षया हिंदळकर ही नवी जोडी प्रेक्षकांच्या भेटीला येणार आहे. अभिनेता अक्षय म्हात्रे हा हिंदी मालिका विश्वात काम करत होता. त्यानंतर आता तो मराठी मालिकेत झळकणार आहे. तसेच अभिनेत्री अक्षया हिंदळकर ही देखील मराठी मालिकांमध्ये झळकली होती. या दोघांसह या मालिकेमध्ये वंदना सरदेसाई, पंकज चेंबूरकर, सुदेश म्हाशीलकर आणि रेयांश जुवाटकर हे कलाकार असणार आहेत.
झी मराठीवर नव्या मालिकांची सुरुवात
सध्या झी मराठीवर अनेक नव्या मालिका प्रेक्षकांच्या भेटीस येत आहे. शिवा, पारु या दोन नव्या मालिका झी मराठी वाहिनीवर 12 फेब्रुवारीपासून सुरु झाल्या आहेत. तसेच येत्या काळामध्ये अभिनेता राकेश बापट हा नवरी मिळे हिटलरला ही मालिका प्रेक्षकांच्या भेटीला येणार आहे. यामुळे झी मराठीवर अनेक नव्या मालिका सुरु होणार असून जुन्या मालिका बंद होण्याच्या मार्गावर आहेत. त्यामुळे ही मालिका सुरु झाल्यानंतर कोणत्या जुन्या मालिकेला ब्रेक लागणार आणि कोणत्या वेळेत ही मालिका सुरु होणार हे येत्या काही काळातच स्पष्ट होणार आहे.
ही बातमी वाचा :
महत्त्वाच्या बातम्या
ट्रेंडिंग न्यूज
