Zee Maha Gaurav Puraskar 2022 : झी महागौरव 2022 पुरस्कार सोहळा संपन्न; करिष्मा कपूरसह अनेक प्रसिद्ध कलाकारांची हजेरी

झी गौरव (Zee Marathi)  2022 पुरस्कार सोहळा नुकताच पार पडला.

Zee Maha Gaurav Puraskar 2022

Zee Maha Gaurav Puraskar 2022  :  मराठी नाटक आणि चित्रपटांसोबत 'झी मराठी'चं (Zee Marathi)  समृद्ध नातं   2000 पासून सुरु झालं होतं. या समृद्ध नात्याचा गौरव करण्यासाठी यंदाचा झी गौरव पुरस्कार अगदी दिमाखदारपणे संपन्न झाला.

मराठी नाट्य आणि चित्रपटसृष्टी ज्याची आतुरतेने वाट पाहत असते अशा प्रतिष्ठित झी गौरव 2022 पुरस्कार सोहळा नुकताच पार पडला.  गेल्या 21 वर्षातल्या, 21 महत्वाच्या चित्रपटांचा गौरव करून त्यांनी मराठी भाषा आणि मराठी संस्कृतीसाठी केलेल्या महान कार्याचा महागौरव यंदा झी गौरव पुरस्कार सोहळ्यात करण्यात आला. या सोहळ्याचे सूत्रसंचालन महाराष्ट्राचा सुपरस्टार स्वप्नील जोशी याने केलं. रेड कारपेटवर आलेल्या प्रत्येक कलाकाराने आपल्या स्टाईल सेन्सची झलक दाखवली आणि त्यांच्या सॉल्लिड फॅशन सेन्सने या सोहळ्यातील ग्लॅमर कोशंट वाढवला. रंगतदार स्किट्स आणि दर्जेदार डान्स परफॉर्मन्सेसमध्ये जल्लोषात हा पुरस्कार सोहळा रंगला. या पुरस्कार सोहळ्यात 

बॉलिवूडची लोकप्रिय अभिनेत्री करिष्मा कपूर (Karisma Kapoor) आणि विनोदवीर जॉनी लिव्हर (Johnny Lever) यांच्यासोबत श्रेयस तळपदे, नागराज मंजुळे, सिद्धार्थ जाधव, अमृता खानविलकर, प्रार्थना बेहेरे, सई ताम्हणकर, प्रिया बापट, उर्मिला कानिटकर, संजय जाधव, ललित प्रभाकर, वैदेही परशुरामी, रवी जाधव, केतकी माटेगावकर आणि मराठी सिनेसृष्टीतील अनेक कलाकारांनी हजेरी लावली. इतकंच नव्हे तर करिष्मा कपूर हि झी महागौरवच्या मंचावर थिरकली सुद्धा. तिच्या अप्रतिम नृत्याविष्काराला उपस्थित कलाकारांकडून भरभरून दाद मिळाली. कुठल्या कलाकारांनी विजेतेपद पटकावलं हे प्रेक्षकांना लवकरच कळेल.

संबंधित बातम्या 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha