Aga Aga Sunbai Kay Mhanta Sasubai : शेर सासूबाईंच्या नशिबी सव्वाशेर सूनबाई...; 'अगं अगं सूनबाई, काय म्हणता सासूबाई' लवकरच प्रेक्षकांच्या भेटीला
Aga Aga Sunbai Kay Mhanta Sasubai : 'अगं अगं सूनबाई, काय म्हणता सासूबाई' ही नवी मालिका लवकरच प्रेक्षकांच्या भेटीला येणार आहे.
Aga Aga Sunbai Kay Mhanta Sasubai : नाटक, सिनेमे, वेबसीरिज कितीही आल्या तरी छोट्या पडद्याची गंमत निराळी आहे. सध्या वेगवेगळ्या विषयांवर भाष्य करणाऱ्या मालिका प्रेक्षकांच्या भेटीला येत आहेत. 'अगं अगं सूनबाई, काय म्हणता सासूबाई' (Aga Aga Sunbai Kay Mhanta Sasubai) असं या मालिकेचं नाव आहे. घराघरात घडणारी सासू सूनांची भांडणं विनोदी पद्धतीने या मालिकेत प्रेक्षकांना पाहायला मिळणार आहेत.
आयुष्यात आपल्याला आवडणाऱ्या मुलीशी लग्न केलं काय किंवा आईला आवडणाऱ्या मुलीशी लग्न केलं काय, एकदा मुलगी सून झाली की तिच्यासाठी आपली आई सासूच असते. सासूची आई होणं तसं दुरापास्तच. अशाच एका खोडकर सुनेच्या आणि तिच्या खोडीवर कुरघोडी करणाऱ्या खट्याळ मिश्किल सासू मधल्या नात्याची खुमासदार गोष्ट म्हणजे 'अगं अगं सूनबाई काय म्हणता सासूबाई' ही मालिका आहे.
आजच्या आधुनिक काळात, सासू-सूने मधील नातं, एकमेकींशी कधी भांडत तर कधी एकमेकींना चिमटे काढत कसं बहरत जातं, याचा धमाल प्रवास 'अगं अगं सूनबाई काय म्हणता सासूबाई' या मालिकेत पाहायला मिळणार आहे. तुझं माझं जमेना आणि तुझ्या विना करमेना, असं हे दोघी मधलं नातं वेगेवगळ्या प्रसंगातून धमाल उडवत असताना त्यांच्या सासू सुनेच्या नात्यावर सासऱ्यांची खुमासदार टिप्पणी त्या नात्याचे विविध पैलू उलगडून दाखवते. ह्या मालिकेत खट्याळ सासूच्या भूमिकेत जेष्ठ अभिनेत्री सुकन्या कुलकर्णी (Sukanya kulkarni) असणार आहेत तर खोडकर सून साकारतेय स्वानंदी टिकेकर (Swanandi Tikekar).
View this post on Instagram
सासू सुनेच्या नात्यामध्ये येणारे तीढे विनोदी ढंगाने सोडवत हसत खेळत जगताना त्यांच्यातल्या नात्याची वीण घट्ट होत जाते. घराघरात घडणाऱ्या सासू सूनांच्या भांडणाना विनोदाच्या आरशात बघण्याची संधी ही गोष्ट प्रेक्षकांना मिळवून देईल. 'अगं अगं सुनबाई काय म्हणता सासूबाई' ही मालिका प्रेक्षकांना 21 नोव्हेंबरपासून बुधवार ते शनिवार रात्री 10 वा. झी मराठीवर पाहायला मिळणार आहे.
अगं अगं सुनबाई काय म्हणता सासूबाई
कुठे पाहू शकता? झी मराठी
कधी? 21 डिसेंबर
किती वाजता? रात्री 10 वा.
महत्त्वाच्या बातम्या
