Purva Kaushik : साडी आणि हिल्समध्ये शिवाची जबरदस्त फाईटिंग, अभिनेत्री पूर्वा कौशिक म्हणाली, असं काहीतरी करणं...
Purva Kaushik : अभिनेत्री पूर्वा कौशिकने शिवा मालिकेत साडी आणि हिल्समध्ये फाईटिंग सीन्स केला. त्यानंतर अभिनेत्री पूर्वा कौशिक हिने तिच्या भावना व्यक्त केल्या आहेत.
Purva Kaushik : झी मराठी वाहिनीवरील शिवा (Shiva) ही मालिका प्रेक्षकांच्या चांगलीच पसंतीस उतरत आहे. यामधील अभिनेत्री पूर्वा कौशिक (Purva Kaushil) हिचा लूकही बराच चर्चेत आला. आता हीच शिवा प्रेक्षकांना साडीत पाहायला मिळणार आहे. इतकच नव्हे तर याच शिवाने साडीत फाईटिंग देखील केलीये. याचविषयीची अनुभव अभिनेत्री पूर्वा कौशिक हिने शेअर केला आहे.
वटपौर्णिमेच्या एपिसोडमध्ये शिवा सगळ्यांना फाईटिंग करताना दिसणार आहे. यामध्ये एपिसोडमध्ये आशुच्या बहिणीची काही गुंड छेड काढतात. त्यावेळी आशु त्यांच्याशी बोलायला जातो आणि ते त्याच्यावर हात उचलतात. बायको म्हणून त्यावेळी शिवा त्या गुंडांशी दोन हात करते आणि आशुला वाचवते. वटपौर्णिमेच्या पूजेसाठी आलेली शिवा ही आशुसाठी साडीतच फाईटिंग करते.
पूर्वाने व्यक्त केल्या तिच्या भावना
याविषयी बोलताना पूर्वाने म्हटलं की, साडी मध्ये फाईट सीन करण्याचा अनुभव खूप कमाल होता. मी आयुष्यात पूर्वा म्हणून हे करीन असं मला कधीच वाटलं न्हवत पण ह्या मालिकेच्या निमित्ताने मला हे सर्व करायला मिळालं ह्याबद्दल खरंच आनंद आहे. तशी मालिकेत शर्ट-पॅन्ट मध्ये छोट्या-मोट्या मारामाऱ्या केल्यात, पण जेव्हा साडी मध्ये फाईट सीन करायची चर्चा सुरु झाली तेव्हा थोडं दडपण आलं होतं, कारण ते टीव्ही स्क्रीनवर प्रभावी आणि परिणामकारक दिसलं पाहिजे.
पुढे तिने म्हटलं की, माझ्यात ते हावभाव, देहबोली त्या पोशाखानुसार योग्य येईल का ह्याच टेंशन आलं होते. जेव्हा हा सीन करायला केली तो अनुभव अविश्वसनीय होता. कुठच्याही कलाकाराच्या आयुष्यात असा क्षण त्याच्या अभिनयाच्या प्रवासात माईलस्टोन असतो आणि मला तो क्षण अनुभवायला मिळाला आहे. फाईट सीनच शूटिंग होतं असताना फाईट मास्टरचे मार्गदर्शन होतेच आणि सर्व गरजेची सावधगिरी घेऊनच आम्ही सगळं शूट करत होतो. मला आधी वाटलं होतं की मी हे साडीत आणि हिल्सच्या सॅण्डलवर हे पेलवू शकीन का, शिवा नव्याने उभी राहायचा प्रयत्न करत आहे तर ती कशी दिसेल आणि ते अगदी जस हवं होतं तसंच झालं.
View this post on Instagram
ही बातमी वाचा :
महत्त्वाच्या बातम्या
