'भाऊ नाही फक्त रितेश म्हणा', रितेश देशमुखनं दिपाली सय्यदला झापलं; भाऊच्या धक्क्यावर नेमकं काय घडलं?

Bigg Boss Marathi Season 6: बिग बॉस मराठी सिझन 6 चा पहिला भाऊचा धक्का गाजला. रितेश देशमुखने अनेक स्पर्धकांना कडक शब्दांत समज दिली.

Bigg Boss Marathi Season 6

बिग बॉस मराठी सिझन 6 जोरदार सुरू आहे. स्पर्धकांमुळे या सिझनला अधिक रंगत आली आहे. या सिझनमधला पहिला भाऊचा धक्का सुरू आहे.

रितेशनं पहिल्या आठवड्याचा रिकॅप देत सगळ्यांची शाळा घेतली. रितेशनं रुचिता जामदार, तन्वी कोलते, ओमकार राऊत आणि विशाल कोट्टीयन या कलाकारांची शाळा घेतली.

या स्पर्धकांसह रितेशनं दिपाली सय्यदला देखील इशारा दिला. तसेच तिला कडक शब्दांत झापलं.

तन्वी कोलते हिला तिच्या वागण्यावर रितेशनं खूप झापलं. मकर संक्रांतीच्या दिवशी तन्वी कोलते आणि दिपाली सय्यद यांच्यात जोरदार राडा झाला होता. यानंतर दिपाली सय्यदची बाजू रितेशने ऐकून घेतली.

दिपाली म्हणाली, 'मला नकोय तिची मदत. तिसा प्रत्येकाच्या विषयात जायचं असतं. तिला वाटतं ती खूप चांगली आहे. तिचा हेल्पिंग नेचर आहे. मला ते खूप आवडतं. पण त्याआधीच माझं आणि तिचं झालं", असं दिपाली म्हणाली.

"तिला मी बोलताना ऐकलं होतं की मी बरोबर आहे, मी चेंज होणार नाही. हे ऐकल्यानंतर मला असं वाटलं की मला तिच्यासोबत बोलायचं नाही. मी नंतर ओमला गॅस ऑन करायला सांगितलं. पण ती मुद्दाम तिथे आली. मी तिला काही सांगितलंच नव्हतं", असं दिपाली म्हणाली.

रितेशनं दिपालीचं ऐकून घेतल्यानंतर दिपालीला, "तुम्ही म्हणताय ती मुद्दाम आली होती, मुद्दाम म्हणजे काय?", असं त्यानं प्रश्न विचारला.

यावर दिपालीने, "तिला माझ्यासोबत बोलायचं होतं", असं उत्तर दिलं. "मग ही चांगली गोष्ट आहे ना.. त्यात नेमकं वाईट काय?", असं रितेश म्हणाला.

"चांगली गोष्ट आहे, पण माझी इच्छा नाहीये", असं दिपाली रितेशला म्हणाली. "आपण एकाच घरात राहतोय. फक्त तीन दिवस झाले आहेत", असं रितेश म्हणाला. त्यावर दिपाली, "हो करणार.. नक्कीच RDमी करणार", असं दिपालीनं म्हणाली.

दिपालीने RD म्हणताच रितेश म्हणाला, "मी रितेश आहे, RD नाही", तेव्हा दिपाली, "हो रितेश भाऊ" असं म्हणते. "भाऊ पण नको.. मला फक्त रितेश म्हणा.. नो प्रॉब्लेम", असं रितेश म्हणाला.