![ABP Premium](https://cdn.abplive.com/imagebank/Premium-ad-Icon.png)
Khatron Ke Khiladi 13 : शिव ठाकरे ते उर्फी जावेद; 'खतरों के खिलाडी 13'साठी 'या' स्पर्धकांची नावं नक्की
Khatron Ke Khiladi : 'खतरों के खिलाडी' या लोकप्रिय कार्यक्रमाचं नवं पर्व लवकरच प्रेक्षकांच्या भेटीला येणार आहे.
![Khatron Ke Khiladi 13 : शिव ठाकरे ते उर्फी जावेद; 'खतरों के खिलाडी 13'साठी 'या' स्पर्धकांची नावं नक्की Rohit Shetty Khatron Ke Khiladi 13 Contestants List Shiv Thakare Urfi Javed know latest update Khatron Ke Khiladi 13 : शिव ठाकरे ते उर्फी जावेद; 'खतरों के खिलाडी 13'साठी 'या' स्पर्धकांची नावं नक्की](https://feeds.abplive.com/onecms/images/uploaded-images/2023/02/27/e7947b7a3b8df3bedf687838b81a403a1677473308916254_original.jpg?impolicy=abp_cdn&imwidth=1200&height=675)
Khatron Ke Khiladi 13 Contestants List : सिने-निर्माता रोहित शेट्टीच्या (Rohit Shetty) 'खतरों के खिलाडी' (Khatron Ke Khiladi) या लोकप्रिय कार्यक्रमाचं नवं पर्व लवकरच प्रेक्षकांच्या भेटीला येणार आहे. छोट्या पडद्यावरील साहसी खेळ म्हणून 'खतरों के खिलाडी' या कार्यक्रमाकडे पाहिलं जातं. आता या पर्वात कोणते स्पर्धक असतील याची चाहत्यांना उत्सुकता आहे.
'खतरों के खिलाडी 13'च्या स्पर्धकांबद्दल जाणून घ्या...
शिव ठाकरे
शिव ठाकरेने अनेकदा 'खतरों के खिलाडी' या कार्यक्रमात सहभागी होण्याची इच्छा व्यक्त केली आहे. 'खतरों के खिलाडी 13'साठी स्पर्धकांची निवड करायला रोहित शेट्टी 'बिग बॉस'च्या घरात गेला होता. त्यावेळी तो टास्क शिव हरला होता. पण शिवची एकंदरीत खेळी पाहता रोहितने 'खतरों के खिलाडी 13'साठी शिवला विचारणा केली आहे.
अर्चना गौतम
शिव ठाकरेप्रमाणे अर्चना गौतमने देखील रोहित शेट्टीला आपल्या खेळीने वेड लावलं आहे. अर्चना 'बिग बॉस'च्या घरातून बाहेर पडल्यापासून ती 'खतरों के खिलाडी'मध्ये सहभागी होणार असल्याची चर्चा आहे. अद्याप यासंदर्भात अधिकृत माहिती मिळालेली नाही.
सौंदर्या शर्मा
'खतरों के खिलाडी'च्या टीमने 'बिग बॉस 16'साठी सौंदर्या शर्माला विचारणा केली आहे.
उर्फी जावेद
आपल्या हटके फॅशनमुळे चर्चेत असणारी उर्फी जावेद देखील 'खतरों के खिलाडी'च्या तेराव्या पर्वात सहभागी होणार आहे. 'खतरों के खिलाडी'आधी उर्फी 'बिग बॉस ओटीटी', 'स्प्लिट्सविला' या कार्यक्रमांमध्ये सहभागी झाली आहे.
नकुल मेहता आणि दिशा परमार
'बडे अच्छे लगते है 2' या मालिकेत मुख्य भूमिकेत असणारे नकुल मेहता आणि दिशा परमारदेखील 'खतरों के खिलाडी'मध्ये सहभागी होणार आहेत.
मुनव्वर फारुकी
'लॉकअप'च्या पहिल्या पर्वाचा विजेता मुनव्वर फारुकी देखील 'खतरों के खिलाडी 13'मध्ये सहभागी होणार असल्याची चर्चा आहे.
सुम्बुल तौकीर खान, प्रियंका चहर चौधरी आणि अंकित गुप्ता
'खतरों के खिलाडी'च्या तेराव्या पर्वात 'बिग बॉस 16'चे शिव ठाकरेसह आणखी तीन स्पर्धक सहभागी होणार आहेत. यात सुम्बुल तौकीर खान, प्रियंका चहर चौधरी आणि अंकित गुप्ता या स्पर्धकांचा समावेश आहे. लवकरच यासंदर्भात अधिकृत माहिती समोर येईल.
'खतरों के खिलाडी'च्या तेराव्या पर्वात एकापेक्षा एक स्पर्धक सहभागी होणार असल्याने त्यांची खेळी पाहायला चाहते उत्सुक आहेत. लवकरच या कार्यक्रमाची अधिकृत घोषणा करण्यात येईल.
संबंधित बातम्या
Khatron Ke Khiladi 12 : कनिका माननं खतरों के खिलाडी 12 च्या निर्मात्यांवर केले गंभीर आरोप? जाणून घ्या संपूर्ण प्रकरण
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)