Rang Majha Vegla : श्वेता बदलणार डीएनए सॅम्पल! पुन्हा एकदा दीपिका आणि दीपाची ताटातूट होणार?

Rang Majha Vegla : स्टार प्रवाहची ‘रंग माझा वेगळा’ (Rang Majha Vegla) ही मालिका सध्या प्रेक्षकांमध्ये लोकप्रिय ठरते आहे.

Rang Majha Vegla

Rang Majha Vegla : स्टार प्रवाहची ‘रंग माझा वेगळा’ (Rang Majha Vegla) ही मालिका सध्या प्रेक्षकांमध्ये लोकप्रिय ठरते आहे. या मालिकेने प्रेक्षकांना चांगलेच गुंतवून ठेवले आहे. टीआरपीच्या शर्यतीत देखील ही मालिका अग्रस्थानी आहे. आता या मालिकेच्या कथानकाने नवे वळण घेतले आहे. मालिकेच्या कथानकातील भावनिक धागा प्रेक्षकांना या मालिकेशी जोडून ठेवत आहे. आता या मालिकेत पुन्हा एकदा प्रेक्षकांना एक नवीन ट्वीस्ट पाहायला मिळणार आहे. सध्या मालिकेत दीपिकाच्या कस्टडीवरून वाद सुरु आहेत.

दीपिका ही आपलीच मुलगी असल्याचे आता दीपाला कळले आहे. त्यामुळे दीपिकाचा ताबा आपल्याला मिळावा यासाठी ती कार्तिकच्या विरोधात लढणार आहे. या कायदेशीर लढाईत आता नेमका विजय कुणाचा होणार याकडे सगळ्यांचेच लक्ष लागून राहिले आहे. मात्र, आता या प्रकरणातही श्वेताने उडी घेतली आहे. ती आता दीपा आणि दीपिकाचे डीएनए सॅम्पल बदलणार आहे.

श्वेताला बिंग फुटण्याची भीती!

दीपा दीपिकाला मिळवण्यासाठी डीएनए चाचणी करणार असल्याचे कळताच, श्वेताच्या पायाखालची जमीन सरकली आहे. डीएनए चाचणी झाली तर दीपिका कार्तिक आणि दीपाचीच मुलगी असल्याचे सिद्ध होईल. इतकेच नाही तर, कार्तिक कधीच बाबा होऊ शकणार नाही, हे गोष्ट खोटी असून आपलं कारस्थान आता उघडकीस येईल या भीतीने श्वेता हादरली आहे. हे सगळं टाळण्यासाठी आता तिने एका माणसाला दोघींचे डीएनए सॅम्पल बदलण्यासाठी हॉस्पिटलमध्ये पाठवले आहे.  

आयेशा आणि श्वेताचा नवा प्लॅन

दीपिकाची कस्टडी मिळवण्यासाठी कोर्टाने दीपिका आणि दीपाची डीएनए चाचणी करण्याचा आदेश दिला होता. या आदेशानुसार ठरवलेल्या हॉस्पिटलमध्ये ही चाचणी होणार होती. मात्र, आम्हाला या हॉस्पिटलमध्ये चाचणी करायची नाही, अशी नोटीस कार्तिकच्या वतीने आयेशाने दीपाला पाठवली. दोघींची डीएनए चाचणी इनामदारांच्या आदित्य हॉस्पिटलमध्ये करावी, अशी मागणी आयेशाने केली. दीपाने देखील त्यांची ही मागणी मान्य केली आहे. मात्र, हॉस्पिटलमध्ये दोघीच्या डीएनए सॅम्पलमध्ये अदलाबदली होऊ शकते हे कुणाच्याही लक्षात आलेले नाही. हा आयेशा आणि श्वेता यांनी मिळून केलेला प्लॅन असून, आतापर्यंत सगळ्या गोष्टी यानुसारच घडल्या आहेत.

श्वेताने पाठवलेला माणूस डीएनए सॅम्पल बदलण्यासाठी हॉस्पिटलमध्ये जातो. मात्र, हॉस्पिटलच्या दारातच सौंदर्या इनामदार उभी असल्याने त्याला तिथेच थांबावे लागते. त्यामुळे आता या दोघींचा प्लॅन यशस्वी होणार की, फसणार? हे येत्या भागांमधून कळणार आहे.

हेही वाचा :